Williams, Frylinck gee Emirate doodskoot
Die Namibiër het met briljante kolf-, boul- en veldwerk sommer dadelik hul gebruiklike hoë standaard volgehou.
Tielman van Lill – Die onverskrokke ingesteldheid waarmee die Namibiese Eagles hul krieket speel, het gisteroggend in Dubai opnuut vrugte afgewerp in hul eerste internasionale T20-opwarmwedstryd in die opbou na die T20-Wêreldbeker.
Die toerspan het die gasheerland Verenigde Arabiese Emirate met 17 lopies oorskadu.
Nadat die Eagles ingestuur is om eerste te kolf, het hulle 159 lopies vir agt in hul toegelate 20 boulbeurte (7.95 per boulbeurt) opgestel. Die gasheerspan se kolfpoging was deurentyd agter hierdie kurwe en is tot 142/9 beperk (7.45 per boulbeurt).
Ná die vroeë verlies van Zane Green (0) het Stephen Baard 'n stewige grondslag met 39 (34 b, 4x4) saam met Craig Williams gelê.
Veral Williams, met 'n uitstekende 57 lopies van 37 aflewerings, het die VAE-boulers met sewe viere en twee sesse geterroriseer totdat hy uitgevang is. Sy vyftigtal het ná 33 aflewerings op die telbord verskyn, met veral sy haakhoue na die bykant wat die meeste lopies opgelewer het.
In Baard se geval het hy produktief van omgekeerde veeghoue na die skerpbygrens gebruik gemaak.
Ná die eerste ses boulbeurte was die Eagles op 50/1 teen 8.33 reeds goed op dreef. Kort nadat Williams uitgevang en hul 85-vennootskap verbreek is (Namibië 96/2 in 11.5), verskyn hul 100-tal ná 12.2 boulbeurte op die telbord. Gerhard Erasmus (27 van 19 balle, 2x4), David Wiese (10 van 9 balle) en JJ Smit, wat een ses in sy 14 van 9 balle geslaan het, het die latere kolftempo hoog gehou.
Die gasheerspan is reeds in hul eerste ses boulbeurte in 'n stewige wurggreep vasgevang en kon net 23/1 teen 'n stadige 3.83 bymekaar skraap.
Die 36-jarige David Wiese, in sy debuutwedstryd vir Namibië nadat hy sy internasionale loopbaan by die Proteas op 31-jarige leeftyd vaarwel toegeroep het, het as met die nuwe bal sy eerste paaltjie gevier toe die Indies gebore Chirag Suri (11) 'n bal in JJ Smit se hande geslaan het.
LOOPBAANBESTE
Jan Frylinck (speler van die wedstryd) het die VAE-kolwers met puik lyn en lengte laat bontstaan om ses paaltjies vir 24 lopies in sy toegelate vier boulbeurte in te oes.
Vir die 27-jarige linkerarm naatbouler is dié sy beste boulsyfers nóg in internasionale T20-krieket. Die VAE kon selde die druk van die Eagles-boulers afskud en sukkel teen 6.25 om hul 100-tal in 15.5 bb te behaal, met reeds vyf paaltjies in dié stadium plat.
Die 31-jarige Bernard Scholtz, met 'n stillerige 0/19 in twee boulbeurte, het nietemin gister in sy 100ste amptelike T20-wedstryd gespeel, benewens sy 102 eersterangse en 120 eendagwedstryde met eersteklas status. Volgens Krieket Namibië en Cricinfo hy die eerste Namibiese speler wat die honderdmerk in al drie formate verbysteek.
Waseem Muhammad (39) was die VAE se voorste lopiemaker, terwyl Zahoor Khan (4/29 in 4), 'n gebore Pakistani, as bouler die vernaamste doring in die Eagles se vlees was.
Die ervare gewese kaptein Rohan Mustafa is as die swak skakel in die VAE-boulaanval geteiken vir 39 lopies in sy vier boulbeurte – nadat Frylinck hom boonop vir 'n nulletjie deur Erasmus laat uitvang het.
Die Emirate se 12 viere en vyf sesse was uiteindelik pure verniet, maar teen 78 lopies lewer dit dieselfde totaal as die Eagles se 18 grenshoue (15x4, 3x6).
Die Eagles durf Papoea-Nieu-Guinee vanoggend in hul tweede T20-opwarmwedstryd aan, maar dié tel nie as 'n amptelike internasionale wedstryd nie.– [email protected]
Die toerspan het die gasheerland Verenigde Arabiese Emirate met 17 lopies oorskadu.
Nadat die Eagles ingestuur is om eerste te kolf, het hulle 159 lopies vir agt in hul toegelate 20 boulbeurte (7.95 per boulbeurt) opgestel. Die gasheerspan se kolfpoging was deurentyd agter hierdie kurwe en is tot 142/9 beperk (7.45 per boulbeurt).
Ná die vroeë verlies van Zane Green (0) het Stephen Baard 'n stewige grondslag met 39 (34 b, 4x4) saam met Craig Williams gelê.
Veral Williams, met 'n uitstekende 57 lopies van 37 aflewerings, het die VAE-boulers met sewe viere en twee sesse geterroriseer totdat hy uitgevang is. Sy vyftigtal het ná 33 aflewerings op die telbord verskyn, met veral sy haakhoue na die bykant wat die meeste lopies opgelewer het.
In Baard se geval het hy produktief van omgekeerde veeghoue na die skerpbygrens gebruik gemaak.
Ná die eerste ses boulbeurte was die Eagles op 50/1 teen 8.33 reeds goed op dreef. Kort nadat Williams uitgevang en hul 85-vennootskap verbreek is (Namibië 96/2 in 11.5), verskyn hul 100-tal ná 12.2 boulbeurte op die telbord. Gerhard Erasmus (27 van 19 balle, 2x4), David Wiese (10 van 9 balle) en JJ Smit, wat een ses in sy 14 van 9 balle geslaan het, het die latere kolftempo hoog gehou.
Die gasheerspan is reeds in hul eerste ses boulbeurte in 'n stewige wurggreep vasgevang en kon net 23/1 teen 'n stadige 3.83 bymekaar skraap.
Die 36-jarige David Wiese, in sy debuutwedstryd vir Namibië nadat hy sy internasionale loopbaan by die Proteas op 31-jarige leeftyd vaarwel toegeroep het, het as met die nuwe bal sy eerste paaltjie gevier toe die Indies gebore Chirag Suri (11) 'n bal in JJ Smit se hande geslaan het.
LOOPBAANBESTE
Jan Frylinck (speler van die wedstryd) het die VAE-kolwers met puik lyn en lengte laat bontstaan om ses paaltjies vir 24 lopies in sy toegelate vier boulbeurte in te oes.
Vir die 27-jarige linkerarm naatbouler is dié sy beste boulsyfers nóg in internasionale T20-krieket. Die VAE kon selde die druk van die Eagles-boulers afskud en sukkel teen 6.25 om hul 100-tal in 15.5 bb te behaal, met reeds vyf paaltjies in dié stadium plat.
Die 31-jarige Bernard Scholtz, met 'n stillerige 0/19 in twee boulbeurte, het nietemin gister in sy 100ste amptelike T20-wedstryd gespeel, benewens sy 102 eersterangse en 120 eendagwedstryde met eersteklas status. Volgens Krieket Namibië en Cricinfo hy die eerste Namibiese speler wat die honderdmerk in al drie formate verbysteek.
Waseem Muhammad (39) was die VAE se voorste lopiemaker, terwyl Zahoor Khan (4/29 in 4), 'n gebore Pakistani, as bouler die vernaamste doring in die Eagles se vlees was.
Die ervare gewese kaptein Rohan Mustafa is as die swak skakel in die VAE-boulaanval geteiken vir 39 lopies in sy vier boulbeurte – nadat Frylinck hom boonop vir 'n nulletjie deur Erasmus laat uitvang het.
Die Emirate se 12 viere en vyf sesse was uiteindelik pure verniet, maar teen 78 lopies lewer dit dieselfde totaal as die Eagles se 18 grenshoue (15x4, 3x6).
Die Eagles durf Papoea-Nieu-Guinee vanoggend in hul tweede T20-opwarmwedstryd aan, maar dié tel nie as 'n amptelike internasionale wedstryd nie.– [email protected]
Kommentaar
Republikein
Geen kommentaar is op hierdie artikel gelaat nie