Wilckense doen dit wéér

As daar ’n boer is wat die kuns verstaan om die regte slagosse uit te kies en vir die slagos-kompetisie voor te berei, is dit Siggi Wilckens van die plaas Omateva by Omitara.Sy seun, Gunnar, boer die afgelope 4 jaar saam met hom en is al ewe bedrewe met die uitkies en voorbereiding van die osse.Siggi skryf reeds die afgelope dekade of wat slagosse vir die Windhoek Skou in.Hy hou nie tred met hoeveel keer hy al die slagos-kompetisie gewen het nie, maar meen dit kon “sewe of wat keer” gewees het.Vanjaar het hulle weer skoonskip gemaak en die kampioen sowel as die reserwe kampioen opgelewer, wat onderskeidelik 13 en 25 maande oud is.Die Wilckense het vyf Limousin x Brahman-osse ingeskryf. In 2016, toe hulle ook met die louere weggestap het, het Siggi vertel die keuring vind al plaas wanneer kalwers op speenouderdom afgehok word. “Ek maak dan al ’n nota op grond van die genetiese eienskappe wat ek waarneem. Ek kyk na kalwers waarvan die ma’s melk gehad het en vir hulle ’n goeie voorsprong en die optimale geleentheid tot groei gebied het.”So vier maande voor die skou gaan hy deur sy nota’s en kies dan die slagosse uit wat hy wil voorberei.“Ek glo aan ’n stadige voerproses sodat die vet in die spiere geberg kan word vir goeie marmering.”Hoewel die slagosse bedags op kraal staan, word hulle saans uitgelaat om te beweeg. Verder hou hy deurgaans by een soort voer, naamlik Voermeester se Rangeland-produk. Hy gee ook vir die osse brouersgis wat hy by Namibia Breweries kry.Siggi sê dit is ook belangrik dat die diere waarmee ’n produsent of teler skou toe gaan, ’n goeie temperament moet hê.“Ons werk elke dag met die slagosse. Aanvanklik word hulle in die manga gekeer waar hulle haarkleed geborsel word. Daarna begin ons in die kraal met hulle werk en as hulle daaraan gewoond is, begin ons hulle rondlei en gewoond maak om tussen mense te wees sodat hulle nie maklik hanteer kan word by die skou en in die ring tydens beoordeling.”

Wilckense doen dit wéér

Kommentaar

Republikein 2026-05-14

Meld asseblief aan om kommentaar te lewer

Wilckense doen dit wéér

Kommentaar

Republikein 2026-05-14

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.