Wiese benoem vir ICC speler van die maand

Namibië se David Wiese is een van die drie benoemdes vir die Internasionale Krieketraad (ICC) vir die IKR se Speler van die Maand-toekennings vir Oktober.Dié toekennings, wat in Januarie vanjaar ingestel is om erkenning te gee aan die beste internasionale vertonings oor formate vir mans- en vroulike krieketspelers.Die benoemdes vir Oktober in die manskategorie is Bangladesj se veelsydige speler Shakib Al Hasan, Pakistan se kragslaner en afronder Asif Ali en Namibië se produktiewe kolwer David Wiese.In die vrouekategorie haal Ierland se veelsydige speler Laura Delany en regshandige kolwer Gaby Lewis die lys saam met Zimbabwe se kaptein en veelsydige speler Mary-Anne Musonda.’n Onafhanklike “ICC Voting Academy” en aanhangers oor die wêreld heen kan nou stem om die wenners te bepaal, wat volgende week aangekondig sal word. Aanhangers wat op icc-cricket.com/awards geregistreer is, word genooi om hul stemme uit te bring vir hul gunsteling ICC-speler van die maand vir Oktober in beide kategorieë.ICC Mansspeler van die Maand vir Oktober:SHAKIB AL HASAN (BANGLADESJ)Shakib Al Hasan het verlede maand ses T20I’s gespeel as deel van die ICC T20 Wêreldbeker 2021 in die VAE en Oman. Hy het ’n totaal van 131 lopies met ’n kolftempo van 109.16 aangeteken en 11 paaltjies geneem met ’n ekonomiese koers van 5.59. Shakib het verlede maand twee skouspelagtige veelsydige wedstryde by die toernooi gehad en het 42 aangeteken en drie paaltjies teen Oman geneem, voordat hy 46 geslaan en vier paaltjies teen Papoea-Nieu-Guinee geneem het. Dit is Al Hasan se tweede benoeming in die jaar.ASIF ALI (PAKISTAN)Pakistan se produktiewe middelorde-kolwer Asif Ali het verlede maand drie T20I’s gespeel, ook in die ICC T20 Wêreldbeker, waar hy ’n totaal van 52 lopies aangeteken het met ’n treftempo van 273.68. Sy deurbraakvertoning was toe hy 27 uit net 12 balle aangeteken het om Nieu-Seeland te help verslaan. Hy het ook in die volgende wedstryd teen Afghanistan in die 19de boulbeurt vier opeenvolgende sesse geslaan wat ’n oorwinning beklink het.DAVID WIESE (NAMIBIË)Die Namibiese veteraan, veelsydige speler David Wiese beleef sover ’n skouspelagtige T20 Wêreldbeker. Hy het agt T20I’s gespeel en 162 lopies aangeteken met ’n treftempo van 132.78, asook sewe paaltjies met ’n ekonomiese koers van 7.23 geneem. Wiese se vertonings as wedstrydwenner het Namibië gehelp om vir die Super 12-fase van die toernooi te kwalifiseer waar hy 66 nie uit nie teen Nederland en 28 nie uit nie teen Ierland aangeteken het, terwyl hy ook met die bal deurbrake gemaak het.

Wiese benoem vir ICC speler van die maand

Kommentaar

Republikein 2025-12-15

Meld asseblief aan om kommentaar te lewer

Wiese benoem vir ICC speler van die maand

Kommentaar

Republikein 2025-12-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.