Wie is Jerome Powell?
Raak gewoond aan die naam Jerome Powell, oftewel Jay Powell, soos hy glo aan kollegas en vriende bekend is - hy gaan oor die volgende vier jaar 'n groot impak maak op jou sak.
Pres. Donald Trump van Amerika het Powell Donderdag benoem om dr. Janet Yellen as die voorsitter van die Federale Reserweraad (Fed) op te volg. Hy neem sy pos op 3 Februarie 2018 in. (Die benoeming moet nog deur die kongres bekragtig word, maar dis bloot 'n formaliteit.)
Besluite deur die voorsitter van die Fed en die res van die opemarkkomitee, die ekwivalent van die Reserwebank se monetêrebeleidskomitee, het 'n groot impak op Suid-Afrika se ekonomie.
Sou die Fed byvoorbeeld besluit om rentekoerse dáár te verhoog, kan dit beleggers lok om hul geld eerder uit ontluikende markte soos Suid-Afrika te onttrek en dit in Amerika te belê. Dit sal die rand verder laat verswak.
The New York Times sê Powell het definitief die ervaring om die pos te kan vul. Hy was gedurende sy loopbaan al 'n beleggingsbankier, prokureur en staatsamptenaar in die Amerikaanse tesourie.
Donald Trump het toe 'n versigtige sy. Hy het 'n lojale Yellen-ondersteuner gekies deur Powell as die volgende voorsitter van die Fed te benoem.
Hy is ook een van die rykste persone nóg wat in dié pos aangestel word danksy sy jare lange ervaring in die bestuur van private ekwiteite.
Hy gaan egter die eerste president van die Fed in vier dekades wees wat nie 'n graad in ekonomie het nie.
Powell het eers 'n graad in politiek by die Princeton-universiteit in die Amerikaanse deelstaat New Jersey bekom, voordat hy ook 'n graad in regte van die Universiteit van Georgetown in Washington voltooi het.
Nadat hy vir 'n paar jaar as prokureur gewerk het, het hy in 1984 by die beleggingsbank Dillon, Read and Company in New York begin werk.
Hy is in 1990 gedurende pres. George Bush se eerste ampstermyn as ondersekretaris vir finansies in die tesourie aangestel.
Powell het in 1993 by Bankers Trust begin werk.
In 1997 het hy 'n vennoot by die batebestuursfirma The Carlyle Group geword. Dis hier waar hy sy fortuin gemaak het. Volgens The New York Times is Powell se fortuin in 2016 op US$55 miljoen geskat.
Pres. Barack Obama het hom in 1997 as een van die Fed se goewerneurs aangestel. Powell is 'n lid van die Republikeinse party, dieselfde party as Trump. Kommentators is dit eens dat hulle nie skielik drastiese veranderinge in die Fed gaan sien wanneer Powell die leisels oorneem nie.
Bloomberg skryf in 'n meningstuk die volgende oor sy benoeming:
“Donald Trump het toe 'n versigtige sy. Hy het 'n lojale Yellen-ondersteuner gekies deur Powell as die volgende voorsitter van die Fed te benoem.
“Met die eerste blik lyk dit of dit sake soos gewoonlik vir monetêre beleid gaan wees, eerder as die onkonvensionaliteit wat sommige van die ander kandidate voorstaan.
“Dit was in die algemeen 'n wyse besluit.”
Powell het kort ná sy benoeming self gesê: “Ons by die Fed verstaan besluite oor monetêre beleid is belangrik vir Amerikaanse families en gemeenskappe.
“Ek deel die gevoel en is daartoe toegewyd om objektiewe besluite te neem wat op beskikbare bewyse en binne die langdurige tradisie van 'n onafhanklike monetêre beleid gegrond is.”
Bloomberg berig baie kommentators en ekonome verwag Powell sal net soos Yellen rentekoerse in Amerika geleidelik verhoog.
Markte verwag Yellen sal die rentekoers weer in Desember verhoog.
Powell is reeds voor sy benoeming as 'n persoon beskryf wat die beleid wat ná die resessie van 2009 geskep is te hersien.
In Oktober het hy gesê “meer beleid is nie die beste antwoord vir elke probleem nie”.
Hy het ook voorheen Fed-besluite gesteun om van die beleidsvereistes vir banke te verslap wat as te groot beskou is om te misluk, berig The Atlantic.
Hy het ook al gesê hy wil burokrasie onder beheer kry.
“Direkteure voel of hulle onder honderde of selfs duisende blaaie met besonder gedetailleerde inligting begrawe word. Dit bereik die punt waar belangriker strategiese kwessies uitgestoot word,” het hy in Augustus gesê
By die huis
Powell is met Elissa Leonard, 'n rolprentvervaardiger, getroud. Hulle het drie kinders.
Hy hou baie van fietsry en het toe hy by Carlyle gewerk het middagete eerder gaan fietsry as om in die kantien te eet. Hy woon in Chevy Chase, in die deelstaat Maryland.
“Hy kla sy rug is seer, maar laat my dan op my neus kyk as ons op die gholfbaan kom,” sê Dennis Lockhart, die voormalige Fed-hoof vir Atlanta.
Bloomberg berig Powell het ook glo die vermoë om mense se sinne vir hulle te herhaal – agteruit.
“Dit wys hoe goed hy luister.”
Hy het ook glo 'n sin vir humor. “Hy het 'n reuse- geel driehoekvormige hoed wat soos 'n kaas lyk en wat van skuim gemaak is in sy kantoor.
“Ondersteuners van die Amerikaanse Green Bay Packers-rugbyspan dra dit gewoonlik. Dit is nog nie seker of hy dié hoed na sy nuwe kantoor by die Fed sal skuif nie.” - Netwerk24/The New York Times/The Atlantic/Bloomberg
Besluite deur die voorsitter van die Fed en die res van die opemarkkomitee, die ekwivalent van die Reserwebank se monetêrebeleidskomitee, het 'n groot impak op Suid-Afrika se ekonomie.
Sou die Fed byvoorbeeld besluit om rentekoerse dáár te verhoog, kan dit beleggers lok om hul geld eerder uit ontluikende markte soos Suid-Afrika te onttrek en dit in Amerika te belê. Dit sal die rand verder laat verswak.
The New York Times sê Powell het definitief die ervaring om die pos te kan vul. Hy was gedurende sy loopbaan al 'n beleggingsbankier, prokureur en staatsamptenaar in die Amerikaanse tesourie.
Donald Trump het toe 'n versigtige sy. Hy het 'n lojale Yellen-ondersteuner gekies deur Powell as die volgende voorsitter van die Fed te benoem.
Hy is ook een van die rykste persone nóg wat in dié pos aangestel word danksy sy jare lange ervaring in die bestuur van private ekwiteite.
Hy gaan egter die eerste president van die Fed in vier dekades wees wat nie 'n graad in ekonomie het nie.
Powell het eers 'n graad in politiek by die Princeton-universiteit in die Amerikaanse deelstaat New Jersey bekom, voordat hy ook 'n graad in regte van die Universiteit van Georgetown in Washington voltooi het.
Nadat hy vir 'n paar jaar as prokureur gewerk het, het hy in 1984 by die beleggingsbank Dillon, Read and Company in New York begin werk.
Hy is in 1990 gedurende pres. George Bush se eerste ampstermyn as ondersekretaris vir finansies in die tesourie aangestel.
Powell het in 1993 by Bankers Trust begin werk.
In 1997 het hy 'n vennoot by die batebestuursfirma The Carlyle Group geword. Dis hier waar hy sy fortuin gemaak het. Volgens The New York Times is Powell se fortuin in 2016 op US$55 miljoen geskat.
Pres. Barack Obama het hom in 1997 as een van die Fed se goewerneurs aangestel. Powell is 'n lid van die Republikeinse party, dieselfde party as Trump. Kommentators is dit eens dat hulle nie skielik drastiese veranderinge in die Fed gaan sien wanneer Powell die leisels oorneem nie.
Bloomberg skryf in 'n meningstuk die volgende oor sy benoeming:
“Donald Trump het toe 'n versigtige sy. Hy het 'n lojale Yellen-ondersteuner gekies deur Powell as die volgende voorsitter van die Fed te benoem.
“Met die eerste blik lyk dit of dit sake soos gewoonlik vir monetêre beleid gaan wees, eerder as die onkonvensionaliteit wat sommige van die ander kandidate voorstaan.
“Dit was in die algemeen 'n wyse besluit.”
Powell het kort ná sy benoeming self gesê: “Ons by die Fed verstaan besluite oor monetêre beleid is belangrik vir Amerikaanse families en gemeenskappe.
“Ek deel die gevoel en is daartoe toegewyd om objektiewe besluite te neem wat op beskikbare bewyse en binne die langdurige tradisie van 'n onafhanklike monetêre beleid gegrond is.”
Bloomberg berig baie kommentators en ekonome verwag Powell sal net soos Yellen rentekoerse in Amerika geleidelik verhoog.
Markte verwag Yellen sal die rentekoers weer in Desember verhoog.
Powell is reeds voor sy benoeming as 'n persoon beskryf wat die beleid wat ná die resessie van 2009 geskep is te hersien.
In Oktober het hy gesê “meer beleid is nie die beste antwoord vir elke probleem nie”.
Hy het ook voorheen Fed-besluite gesteun om van die beleidsvereistes vir banke te verslap wat as te groot beskou is om te misluk, berig The Atlantic.
Hy het ook al gesê hy wil burokrasie onder beheer kry.
“Direkteure voel of hulle onder honderde of selfs duisende blaaie met besonder gedetailleerde inligting begrawe word. Dit bereik die punt waar belangriker strategiese kwessies uitgestoot word,” het hy in Augustus gesê
By die huis
Powell is met Elissa Leonard, 'n rolprentvervaardiger, getroud. Hulle het drie kinders.
Hy hou baie van fietsry en het toe hy by Carlyle gewerk het middagete eerder gaan fietsry as om in die kantien te eet. Hy woon in Chevy Chase, in die deelstaat Maryland.
“Hy kla sy rug is seer, maar laat my dan op my neus kyk as ons op die gholfbaan kom,” sê Dennis Lockhart, die voormalige Fed-hoof vir Atlanta.
Bloomberg berig Powell het ook glo die vermoë om mense se sinne vir hulle te herhaal – agteruit.
“Dit wys hoe goed hy luister.”
Hy het ook glo 'n sin vir humor. “Hy het 'n reuse- geel driehoekvormige hoed wat soos 'n kaas lyk en wat van skuim gemaak is in sy kantoor.
“Ondersteuners van die Amerikaanse Green Bay Packers-rugbyspan dra dit gewoonlik. Dit is nog nie seker of hy dié hoed na sy nuwe kantoor by die Fed sal skuif nie.” - Netwerk24/The New York Times/The Atlantic/Bloomberg
Kommentaar
Republikein
Geen kommentaar is op hierdie artikel gelaat nie