WHS sterk verteenwoordig in semifinale

Die Namibiese seisoen van skolehokkie bereik komende naweek sy halfeindronde, met tien wedstryde wat by die astro-baan van Trustco Windhoek Gimnasium gespeel word.Windhoek Hoërskool het spanne in altesame ses van die wedstryde.In 'n mate kan die semifinale dus as 'n kragmeting tussen die ligbloues en die res van die land gesien word.Die kwarteindstryde is laas naweek op Walvisbaai en Mariental aangebied.In die meisies eerste liga het Windhoek Afrikaanse Privaatskool 'n oorwinning met 2-0 teen PSS behaal, terwyl St. Paul's met 'n sege van 3-0 teen Walvisbaai gewys het hoekom sommige waarnemers hom as 'n potensieel gevaarlike buiteperd in die uitklopfases beskou.In die seuns eerste liga het St. Paul's egter onttrek sonder om Walvisbaai op sy tuiswerf te gaan aanpak. Windhoek Affies is deur die ander kusspan, Pro-Ed Akademie, tot 'n doellose gelykopuitslag in die gewone speeltyd beperk, voordat Affies met die strafhoue die knoop met 2-0 deurgehaak het.Ander uitslae van die kwarteindstryde was:Seuns tweede liga: WHS klop Danie Joubert met 9-0; Jan Möhr kop Elnatan met 2-1; Otjiwarongo klop Walvisbaai met 3-0; Edugate klop PSS met 3-0.Meisies tweede liga: Tsumeb Gimnasium klop Pro-Ed met 1-0; Walvisbaai klop Moria met 1-0.Komende naweek se program by die Windhoek Gimnasium-baan:08:00–08:45 Meisies derde liga, WHS B tn KPS09:00–09:45 Meisies derde liga, WHS tn Elnatan10:00–11:15 Meisies tweede liga, WHS tn Tsumeb Gimnasium11:15–12:30 Meisies tweede liga, Windhoek Affies tn Walvisbaai PHS12:30–13:45 Seuns tweede liga, Jan Möhr tn Otjiwarongo13:45–15:00 Seuns tweede liga, WHS tn Edugate15:00–16:30 Seuns eerste liga, Windhoek Gimnasium tn Walvisbaai PHS16:30–18:00 Meisies eerste liga, WHS tn St. Paul's18:00–19:30 Seuns eerste liga, WHS tn Windhoek Affies19:30–21:00 Meisies eerste liga, Windhoek Gimnasium tn Windhoek Affies

WHS sterk verteenwoordig in semifinale

Kommentaar

Republikein 2025-07-04

Meld asseblief aan om kommentaar te lewer

WHS sterk verteenwoordig in semifinale

Kommentaar

Republikein 2025-07-04

Meld asseblief aan om kommentaar te lewer

MELD AAN

Advertensie