WHS skud vere reg vir fees

Francoise SteynbergWindhoek Hoërskool (WHS) vier vanjaar sy 100ste bestaansjaar en volgende week gaan vrolik fees gevier word.Oudskoliere gaan van heinde en verre na hul alma mater stroom om reünie te hou. Volgens 'n oudskoolhoof, mnr. Bertus Gous, is die oudste oudskolier wat die vieringe gaan bywoon me. Gesie Osborne, wat in 1941 by WHS matrikuleer het. Die oudste voormalige personeellid wat teenwoordig gaan wees, is me. Pottie Neethling, wat op 7 Julie vanjaar 97 jaar oud sal wees.Gous sê meer as 1 200 oudskoliere word by die fees verwag en hulle kom van selfs so ver as Amerika, Engeland en Nieu-Seeland af. Die propvol feesprogram skop Maandag om 18:00 af met 'n informele kuiergeleentheid vir oudskoliere van die jaar 2000 tot 2016.Dinsdag word 'n drie-in-een-toneelstuk, geskryf deur Malan Kruger, om 18:30 in WHS se skoolsaal opgevoer. Een toneelstuk, Boel die meester, is 'n huldeblyk aan die legendariese voormalige oudhoof, mnr. Boel Dreyer. Kaartjies van N$80 vir volwassenes en N$40 vir skoliere is by die skool en die deure beskikbaar. Woensdag om 10:00 word 'n begeleide toer deur WHS aangebied en oudskoliere kom by die hoofingang byeen. Om 18:00 is 'n informele kuiergeleentheid in die kleinsaal en tent vir oudskoliere van 1980 tot 1989 en 1990 tot 1999.Donderdag om 10:00 is weer 'n begeleide toer deur die skool en om 18:00 is 'n informele kuiergeleentheid in die kleinsaal en tent vir oudskoliere van 1940 tot 1969 en vir oudskoliere van 1970 tot 1979 in die skoolsaal. Vrydag om 10:00 is 'n “brunch” vir hoofseuns en hoofmeisies in die kleinsaal. Die galadinee en dans vind om 18:30 in die Safari Hotel vir oudskoliere en voormalige personeellede plaas. Saterdag om 10:00 is 'n informele kuiergeleentheid vir voormalige personeellede in Windhoek-Oos se kerksaal. Die interhoër tussen WHS en Windhoek Gimnasium vind van 11:00 af by die WHS-sportgronde plaas en oudskolierspanne gaan ook teen mekaar speel. Om 19:00 vind 'n musiekkonsert met Elvis se Seun (met oud-WHS'er Stefan Ludik) en Jay in die skoolsaal plaas. Kaartjies kos N$120. 'n Kuiertent met verversings is beskikbaar. Sondag om 09:00 vind 'n dankdiens in die skoolsaal plaas. Vir navrae, kontak Gous by gousaj@iway.com.na.Alle oudleerlinge en personeellede word hartlik uitgenooi om hul mooi herinneringe van 'n legendariese skool te deel en die mylpaal van 'n eeufees saam te vier.

WHS skud vere reg vir fees

Kommentaar

Republikein 2026-09-18

Meld asseblief aan om kommentaar te lewer

WHS skud vere reg vir fees

Kommentaar

Republikein 2026-09-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.