WHS o.19-meisies wen Bank Windhoek Superliga

Andrew Poolman ’n Gesamentlike prysgeld van N$75 000 is aan die wenskole uitbetaal toe die 2017 Bank Windhoek skolenetbal Superliga laas naweek met sy eindronde afgesluit het.Windhoek Hoërskool het die topprys in die onder 19A-afdeling ingepalm.As gasheerskool vir die eindronde het Windhoek Gimnasium se eerste span net-net tweedebeste afgekom, ná ’n eindstryd waarin WHS deurgaans aan ’n klein voorsprong geklou het om uiteindelik met 40-35 te wen.Elnatan Privaatskool was derde in die o.19A-afdeling.Die voormalige Namibiese nasionale netbalspeler Emsie Esterhuizen, deesdae verbonde aan Walvisbaai Privaat Hoërskool, het tydens die prysuitdeling gesê vanaf die eerste oomblik dat die Bank Windhoek Superliga vir die o.19 ouderdomsgroep ontstaan het, kon ’n mens sien hoedat die spelers se vlak verbeter.“Intussen is die liga ook vir o.17’s en vanjaar ook vir o.15’s uitgebrei – moontlik kan ons kyk om volgende ook die o.13’s hierby in te sluit?”Volgens Esterhuizen is die Superliga ’n uitstekende geleentheid vir skole aan die kus en elders op die platteland om hulself teen die topskole van elders te meet, eerder as om net in hul eie kleiner omgewing sake te oorheers.”Liezel Garbers, voorsitter van die Bank Windhoek skolenetbal Superliga, het gesê vanjaar se ligas was hoogs kompeterend. “Ons het verskeie gelykopwedstryde, of uitslae met klein verskille gehad. Ons is trots om te kan sê dat die Bank Windhoek Superliga ’n nuwe vlak van mededingendheid na skolenetbal gebring het.“Ons bedank Bank Windhoek vir sy ondersteuning, asook alle skole vir hul toewyding dwarsdeur die seisoen. Sommige spanne het werklik groot afstande afgelê en almal het ware sportmangees ten toon gestel. Ons is ook dank verskuldig aan die skeidsregters, afrigters en ouers wat die Superliga ondersteun het,” het Garbers gesê.Die opsomming van elke ouderdomsklas se eindstryde is soos volg (prysgelde tussen hakies):O.19A-afdeling: 1 WHS (N$7 000) klop Windhoek Gimnasium (N$5 000) met 4-35. Derde plek, Elnatan (N$3 000).O.19B-afdeling: 1 Windhoek Afrikaanse Privaatskool (N$5 000) klop Edugate (N$3 000) met 38-27. Derde plek, Agri College (N$2 000).O.17A-afdeling: 1 Windhoek Gimnasium (N$7 000) klop Walvisbaai Privaat Hoërskool (N$5 000) met 33-31. Derde plek, Tsumeb Gimnasium (N$3 000).O.17B-afdeling: 1 Duinesig (N$5 000) klop WHS (N$3 000) met 29-23. Derde plek, Elnatan (N$2 000).O.15A-afdeling: 1 Windhoek Gimnasium (N$7 000) klop Elnatan (N$5 000) met 28-18. Derde plek, WHS (N$3 000).O.15B-afdeling: 1 Tsumeb Gimnasium (N$5 000) klop Windhoek Afrikaanse Privaatskool (N$3 000) in bykomende speeltyd met 37-33, nadat hulle met 29-29 gelykop was. Derde plek, Pro-Ed Akademie (N$2 000).

WHS o.19-meisies wen Bank Windhoek Superliga

Kommentaar

Republikein 2025-05-01

Meld asseblief aan om kommentaar te lewer

WHS o.19-meisies wen Bank Windhoek Superliga

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie