Whitey Basson gaan aftree

Nellie Brand-JonkerWhitey Basson (70), uitvoerende hoof van die Shoprite-groep, se uittrede is gisteroggend op die groep se jaarvergadering aangekondig.Hy beoog om einde Desember af te tree.Die direksie het Pieter Engelbrecht (47), voormalige bedryfshoof, aangestel as die inkomende uitvoerende hoof. Hy sal Januarie in die pos begin.Engelbrecht werk al 20 jaar vir die maatskappy. Dit was bekend dat hy waarskynlik vir Basson sou opvolg.Basson se besluit om af te tree, bring ''n einde aan sy loopbaan van byna 45 jaar wat hy feitlik die hele tyd by die groep deurgebring het.In die tydperk het die maatskappy van ''n kettingwinkelgroep met agt winkels ter waarde van R1 miljoen gegroei tot ''n internasionale gerespekteerde winkelgroep met ''n markwaarde van R114 miljard en meer as 140 000 personeel.Dr. Christo Wiese, voorsitter van Shoprite, wat dit aangekondig het, sê: “Whitey was ''n baie sterk en charismatiese leier wat die maatskappy deur ''n oorgang in die mark en moeilike tye bestuur het, en wat berekende risiko''s geneem het om die supermark in die voorste kruidenierswaregroep op die vasteland te verander.“Hy het die groei van die onderneming versnel en was aan die spits van Afrika se baanbrekersuitbreiding in Afrika ná 1994.”Wiese sê Basson het ook suksesvol vir Grand Bazaars, Checkers en OK Bazaars gekoop en by die groep geïntegreer.“Hy verdien die reputasie as een van Suid-Afrika se kleinhandelreuse.“Die direksie is ongelooflike dankbaar vir sy ontelbare bydraes tot die maatskappy en sy uitmuntende termyn as uitvoerende hoof oor amper vier dekades.“Sy diens aan die maatskappy, die personeel en aandeelhouers, en die breër sakegemeenskap is merkwaardig.” Basson gaan as nie-uitvoerende visevoorsitter aanbly. “Ek was bevoorreg om die Shoprite-groep te lei van ''n klein begin tot een van die vasteland se grootste maatskappye,” sê Basson.“Na soveel jare by die groep, is dit tyd om die stokkie oor te gee aan ''n nuwe geslag van leiers. Gegewe die gehalte van Shoprite se huidige bestuurspan en hul uitsonderlike rekord glo ek die maatskappy gaan van krag tot krag gaan.”Hy sê doeltreffende opvolgbeplanning was nog altyd ''n fokus vir die bestuurspan en oor die laaste paar jaar is belangrike bedryfsverantwoordelikhede reeds suksesvol aan die seniorbestuurspan oorhandig.– Netwerk24

Whitey Basson gaan aftree

Kommentaar

Republikein 2025-06-30

Meld asseblief aan om kommentaar te lewer

Whitey Basson gaan aftree

Kommentaar

Republikein 2025-06-30

Meld asseblief aan om kommentaar te lewer

MELD AAN

Advertensie