Whitey Basson dalk gou 'verbluffende' R1,8 miljard ryker

Nellie Brand-Jonker - Die Shoprite-groep se voormalige grootbaas, Whitey Basson, kan eersdaags R1,8 miljard ryker wees wanneer dié winkelgroep aandele ter waarde van hierdie bedrag van hom moet terugkoop.Die Shoprite-groep het Vrydag aangekondig hy moet ingevolge 'n dienskontrak met Basson 8,68 miljoen aandele van hom terugkoop.Basson (70) se uittrede einde Desember 2016 as uitvoerende hoof is einde Oktober op die groep se jaarvergadering aangekondig. Hy is deur Pieter Engelbrecht (47), voormalige bedryfshoof, opgevolg.Die terugkoop van die aandele gaan met bestaande bankgeriewe uitgevoer word en dit gaan veroorsaak dat Shoprite se rente wat jaarliks betaal word, met R144 miljoen styg.DienskontrakDie groep sê die aandele moet van Basson teruggekoop word ingevolge 'n dienskontrak wat in Desember 2003 met hom aangegaan is.Daarvolgens kon Basson 'n verkoopopsie plaas op die aandele wat direk of indirek deur homself gehou word terwyl hy nog vir die groep werk en die groep is verplig om dit dan terug te koop wanneer hy die opsie uitoefen.Basson het op 2 Mei vir Shoprite in kennis gestel dat hy die opsie uitoefen teen die prys van R211,01 per aandeel. Die bedrag beloop R1 832 268 830,27.Die spesifieke terugkooptransaksie sal verder onderhewig wees aan die bepalings van die akte van oprigting van die maatskappy, die Maatskappywet en die JSE se noteringsvereistes, insluitende die goedkeuring van aandeelhouers.Die voorstel om die spesifieke terugkoop te doen, moet op 'n algemene vergadering goedgekeur word.Die aandele wat teruggekoop gaan word, verteenwoordig 1,447% van die Shoprite-groep se uitgereikte aandele.Die terugkoop sal so spoedig moontlik gedoen word nadat al die reëls nagekom is.PrysDie aandeelprys waarteen die aandele teruggekoop word, is 5,32% hoër as die geweegde gemiddelde aandeelprys oor die 30 werksdae voordat die opsie uitgeoefen is, wat R200,30 per aandeel is.Die direksie moet ingevolge die JSE se noteringsvereistes 'n mening inwin of dit billik sal wees teenoor ander aandeelhouers omdat Basson as 'n verwante party beskou word en die prys waarteen die aandele aangekoop word, hoër as die gemiddelde geweegde prys van die 30 voorafgaande werksdae is.'n Omsendbrief sal aan aandeelhouers uitgestuur word wat die mening van 'n onafhanklike kundige daaroor sal bevat.Die direksie is in die proses om 'n kundige aan te stel.Die aandele word van Bassgro teruggekoop waarvan die Wellwood Basson Familietrust die uiteindelike aandeelhouer is.Dit is nie al Basson se aandele in die groep nie.ReaksieJiten Bechoo, 'n ontleder van Avior, sê die minder uitgereikte aandele sal opmaak vir die hoër rente wat met die transaksie verband hou.“Dit is beslis nie 'n mosie van vertroue in die vooruitsigte van Shoprite vorentoe nie, maar dit is net ons vermoede. Die redes hiervoor mag dalk nie grondliggend wees nie.”Anchor Capital het in 'n nuusbrief dit as 'n ongehoorde stap beskryf waarin Shoprite gedwing word om R1,8 miljard se aandele terug te koop.“Dit is 'n verbluffende bedrag geld, dit is die tipe bedrag wat die hoofopskrifte haal,” sê Peter Armitage, uitvoerende hoof van Anchor.“Maar as iemand uit 'n onderneming is, is dit redelik om te dink dat hy elders gaan belê. Hy is geregtig daarop om waarde te ontsluit.”Die dag waarop Basson die opsie uitgeoefen het, het die Shoprite-groep sy hoogste aandeelprys nog bereik. Die aandeelprys is nou 6% laer.“Die vernaamste rede vir die daling in die prys is seker maar omdat die mark geskrik het vir die grootte van die transaksie,” sê Herman Lloyd, portefeuljebestuurder van FNB Sekuriteite.“Dit blyk of hy amper al sy Shoprite-aandele verkoop het, of 'n baie groot deel waarvan.“Dit is nie regtig 'n mosie van vertroue in die besigheid nie en die mark dink dalk dat mnr. Basson nie veel verdere groei vir die maatskappy sien nie.“Maar mense verkoop vir verskillende redes en Shoprite het nog steeds 'n bestuurspan van uitstaande gehalte en ek is nie regtig te bekommerd nie. Shoprite sal nog vir jare baie suksesvol wees.”Basson het oor die afgelope jare gereeld kritiek gekry oor sy reuse-salaris. – Netwerk24

Whitey Basson dalk gou 'verbluffende' R1,8 miljard ryker

Kommentaar

Republikein 2025-12-17

Meld asseblief aan om kommentaar te lewer

Whitey Basson dalk gou 'verbluffende' R1,8 miljard ryker

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.