WhatsApp: Moenie in dié SMS-strik trap

’n Ou skelmstreek steek weer kop uit waarin WhatsApp-gebruikers ’n SMS ontvang wat lui hulle skuld die kletsdiens ledegeld en dat hul toegang tot die diens opgeskort word totdat die bedrag betaal is.Dié bedrogspul het reeds verlede jaar die ronde begin doen, maar laat nou opnuut Twitter-gebruikers gons. Talle mense deel skermgrepe van die SMS as waarskuwing aan ander om nie op die skakel daarin te klik of die sogenaamde subskripsiegeld te betaal nie.Luidens die SMS kan gebruikers ’n “lewenslange subskripsie” koop teen 99 pennies, sowat R16,86.Hoewel die SMS kwansuis van WhatsApp kom, waarsku ActionFraud, Brittanje se nasionale agentskap teen bedrog en kubermisdaad, dat dit boereverneukery is.“Gebruikers sal onthou WhatsApp het voorheen dieselfde bedrag in ’n jaarlikse tarief verhaal,” sê die agentskap. “Maar dit is in 2016 stopgesit toe Facebook die kletsdiens oorgekoop het vir nagenoeg US$19 miljard.”Dit beteken die kletsdiens is sedertdien gratis vir almal, berig MailOnline.Benewens daarvoor dat die swendelaars niksvermoedende gebruikers se geld wil steel, kry die skelms ook toegang tot persoonlike inligting as daar op die skakel geklik word.Dae van fopnuus op WhatsApp ook getelIntussen het die kletsdiens bekend gemaak hy gaan die verspreiding van fopnuus via die platform tot ’n einde bring.TechCrunch berig WhatsApp toets ’n nuwe tipe kennisgewing wat gebruikers waarsku as hulle ’n boodskap ontvang wat baie mense al aangestuur het, of as hulle op die punt is om so ’n boodskap aan te stuur.Die kennisgewing lui glo iets in die lyn van “die boodskap wat jy nou aanstuur, is al baie keer aangestuur”. Die kletsdiens wou nie verklap in watter lande hy dit tans toets nie.Hoewel sulke kettingboodskappe onskuldig kan wees, bevat talle ook fopinligting wat gebruikers aanraai om op te tree, soos om dit aan nog tien of 20 mense op hul kontaklys aan te stuur.Die platform sukkel al geruime tyd met die verspreiding van nuus wat blatant onwaar is en wat dikwels tot massahisterie lei.In Brasilië speel sosiale media ’n beduidende rol in die aanloop tot die presidentsverkiesing en die polisie hier het onlangs aangekondig dat die skeppers van enige fopnuus in die aanloop tot die verkiesing swaar gestraf sal word.Facebook pas in die laaste paar maande ook verskeie maatreëls toe om die verspreiding van fopnuus op dié sosiale netwerk te beperk. - Netwerk24/Bronne: The Verge, MailOnline, Metro, TechCrunch

WhatsApp: Moenie in dié SMS-strik trap

Kommentaar

Republikein 2025-11-06

Meld asseblief aan om kommentaar te lewer

WhatsApp: Moenie in dié SMS-strik trap

Kommentaar

Republikein 2025-11-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.