Weyhe vol lof vir doeltreffende Gim

Andrew Poolman Die aksiebelaaide hokkiewedstryde van laas naweek se interhoër tussen Windhoek Gimnasium en Windhoek Hoërskool was ’n gepaste afsluiting vir die bykans gedoemde skolesportjaar 2020.Gimnasium se eerste seunspan het vriend en vyand verras deur met ’n 1-1 gelykopuitslag ’n nuwe blaadjie om te slaan op die oorheersing deur WHS die afgelope jare.“Gimnasium het hul plan uitstekend uitgevoer om ’n vroeë doel te behaal (Dylan Leicher) en daarna die spreekwoordelike bus voor hul doelhok te parkeer,” sê WHS se afrigter, mnr. Johann Weyhe.“Fagan Hansen het die gelykmaker gekry, maar Jack Fourie was indrukwekkend met sy organisering van Gim se verdedigingslinie. “Hulle het die doelsirkel oorbevolk deur net een of twee spelers in ons helfte te laat en hoewel ons drie uit die vier kwarte oorheers het, hethulle hul afrigter Siyabonga Martins se taktiek uitstekend uitgevoer om WHS se sterk punte te neutraliseer.”Weyhe was vol lof vir beide doelwagters.“Henning Kruger was siek en ons wou nie ’n kans met hom waag nie, maar Willie Hough, 14 jaar oud, het sy man gestaan en gewys hy kan nog ver kom. Hy het manalleen ’n seker doel gekeer teen Isaac Fallis, wat nog ’n man oop langs hom gehad het.“Gimnasium se Henru Jessen was ook puik en het hulle verskeie kere onder groot druk gered.“Gim se seunspanne sal in komende jare strawwe kompetisie bied, maar ek hou van wat ek gesien het van die diepte in WHS se tweede span en derde span, wat meestal o.14’s is. Die derdes het met 5-1 gewen met Josh Hatton-Jones (vier doele) die uitblinker, terwyl die tweedes met 4-2 gewen het danksy Kobus de Sousa se driekuns en nog ’n doel deur TJ Kruger,” sê Weyhe.• Tussen die meisies eerste spanne het WHS met 1-0 vergoed vir sy nederlaag in die mees onlangse ontmoeting met Gimnasium.“Van vroeg af was WHS in beheer en ek het nie getwyfel dat hulle die knoop sou deurhaak nie. Gimnasium se doelwagter Alexandra Martens is baie bekwaam en WHS moes met getalle haar posisie manipuleer. Die 1-0 wendoel deur Jarien Hartzenberg het só vanaf ’n defleksie gekom.

Weyhe vol lof vir doeltreffende Gim

Kommentaar

Republikein 2025-12-16

Meld asseblief aan om kommentaar te lewer

Weyhe vol lof vir doeltreffende Gim

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.