Wetstoepassing in die hoofstad

Rina Horn skryf:Ek wil baie graag reageer op die hoofartikel "Wekroep vir die hoofstad" in Republikein van 17 Januarie 2018.Dit is nie net die informele nedersettings wat deurloop onder swak bestuur en swak dienste nie - so ook in die hartjie van ons mooi stad. Riooldreine, orals in die stad en woonbuurtes, loop gereeld uit en oor. Die stankreuk van riool word bykans orals in die woonbuurtes en stad geruik.Baie padtekens en lamppale is omgery en of beskadig en niks word daaraan gedoen nie. Die stad is vuil, strate en sypaadjies word nie gediens nie ten spyte daarvan dat inwoners elke maand 'n bedrag geld daarvoor betaal.In die verlede is die persoon wat verantwoordelik was vir die skade aan padtekens, lamppale, robotte en enige ander munisipale eiendom verantwoordelik gehou om die koste verbonde aan die herstel of vervanging van die eiendom te betaal. Deesdae word alles net in hierdie toestand gelos en groot agteruitgang word bespeur.Die eienaars van geregistreerde restaurante en wegneemete restaurante moet toesien dat die geboue geskik is en voldoen aan die munisipale regulasies en wetgewing, maar op byna elke straathoek word voedsel voorberei en verkoop, asook tuisgebroude bier, in uiters onhigieniese toestande, wat 'n gesondheidsrisiko inhou vir elke inwoner van en besoeker aan Windhoek. Waar is die sulkes se gesondheidsertifikate en geskiktheidsertifikate?Verder moet elke werknemer, werksaam in 'n restaurant en ander voedselverskafferinstellings vry wees van siektes soos byvoorbeeld tering, salmonella en vele meer, maar die kok en verkoper op die straathoek kan net voortgaan.Die persoon wat bottels bymekaarmaak en dan weer verkoop aan besighede soos Namibia Breweries moet 'n geskiktheidssertifikaat verkry vanaf die munisipaliteit - wat 'n belaglikheid as jy dit vergelyk met die straatverkopers.Daar is baie goeie munisipale regulasies en wetgewing in plek rakende al hierdie misdrywe, maar waar is die toepassers van hierdie goeie wetgewing?

Wetstoepassing in die hoofstad

Kommentaar

Republikein 2026-02-04

Meld asseblief aan om kommentaar te lewer

Wetstoepassing in die hoofstad

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.