Wetsontwerp op kuberveiligheid 'verouderd'

'n Dringende beroep is op die ministerie van inligting en kommunikasietegnologie gedoen om die 2017- wetsontwerp op elektroniese transaksies en kubermisdaad terug te trek. Volgens die Namibia Media Trust (NMT) is die wetsontwerp in sy huidige vorm problematies en verouderd wat verskeie aspekte betref.Die NMT doen ook 'n beroep op die ministerie om weer te begin met 'n proses van beraadslaging met veelvuldige belanghebbendes en deskundiges om te verseker dat die voorgestelde wet onder meer aan grondwetlike en menseregte vereistes voldoen en ook van toepassing in die heersende klimaat van immerveranderende kuberveiligheid en kubermisdaad is.“'n Aantal jare het verloop sedert die laaste beraadslagings plaasgevind het, en die kuberveiligheid en kubermisdaad omgewing aanlyn het sedertdien drasties verander,” lui 'n verklaring deur die NMT.Die grasie wat die ministerie tot 16 Junie gegee het vir insette oor die wetsontwerp, was volgens die NMT onvoldoende vir belanghebbendes en deskundiges om wel oorwoë en omvattende insette te lewer en veranderings aan die hand te doen.Die NMT maak kapsie teen heelwat van die wetsontwerp se inhoud.Van die aspekte wat kommer wek, is onder meer die konflik met beginsels van openheid en deursigtigheid, soos in die Harambee-welvaartplan uiteengesit word.Die trust waarsku ook teen die oorhaastige aanvaarding van die wetsontwerp wat “wetlik problematies” is oor aspekte wat kuberveiligheid en kubermisdaad raak. Boonop sal dit individuele regte erodeer wat toegang tot inligting en die reg op privaatheid betref.Te veel ministeriële mag; 'n gebrek aan aanspreeklikheid of enige regulatoriese of oorsig-meganisme om aanlyn toesig te hou; die voorsiening vir soek en beslaglegging sonder lasbriewe en onduidelikheid met definisies word onder meer uitgesonder.“Terwyl daar duidelik 'n behoefte vir so 'n wet is, sou dit kortsigtig en nie vir die parlement raadsaam wees om dit deur te jaag nie met die vooruitsig van ernstige toekomstige gevolge vir aanlyn veiligheid en individuele regte,” lui die verklaring.

Wetsontwerp op kuberveiligheid 'verouderd'

Kommentaar

Republikein 2026-02-02

Meld asseblief aan om kommentaar te lewer

Wetsontwerp op kuberveiligheid 'verouderd'

Kommentaar

Republikein 2026-02-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.