Wetsontwerp “ernstige oortreding” van Grondwet

Henriette Lamprecht - Die wetsontwerp vir die nuwe onderwyswet in sy huidige vorm is ‘n ernstige oortreding van sekere bepalings van die Namibiese Grondwet en die staatsdienswet, tesame met die personeelbepalings wat in terme van die wetsontwerp gemaak word.Sou die wetsontwerp vir die nuwe onderwyswet in sy huidige formaat aanvaar word, sal dit tot ook tot “eindelose regsprosedures” oor die interpretasie en implementering daarvan lei.Volgens die Onderwysersunie van Namibië (TUN) en die Namibiese Nasionale Onderwysersunie (Nantu) slaag dit nie daarin om die “werklike kwessies” en tekortkominge in die Namibiese onderwyssektor aan te spreek nie. Daarenteen fokus dit op onbeduidende sake, sê die vakbond.In ‘n gesamentlike brief aan die speaker van die Nasionale Vergadering (NV), prof. Peter Katjavivi, het die vakbonde nou gevra die wetsontwerp moet na die verwante komitee of parlement vir verdere debat en insae deur die publiek en openbare rolspelers verwys word.Volgens die brief gedateer 17 Oktober is dié voorlegging gedoen deur “praktisyns in die onderwyssektor” en namens die onderwysgemeenskap in die lig van die wetsontwerp, wat onlangs in die NV ter tafel gelê is en landswyd hewige debat uitgelok het.Volgens TUN en Nantu verteenwoordig die vakbonde die sleutelrolspelers, wat verantwoordelik vir die lewering van gehalte onderrig is, en wat net so “angstig en verontrus” is deur die “onvoldoende” insette van groepe en mense soos hulle in die wetsontwerp.“Ons hoop en vertrou ons het die reg om die kwessie op dié manier en in dié formaat aan te spreek en dat dit gelei word deur die beginsel van deelnemende parlementêre demokrasie,” lui die brief.Die vakbonde sê dit is lede van die NV se plig om “groepe soos ons”, en ander groepe as medeparlementslede die geleentheid te gun om bydraes te lewer.Hulle beklemtoon hul “nederige versoek” word nie deur enige bymotiewe aangevuur wat nie met goeie onderrig verband hou nie. Dié bymotiewe sluit vertragingstegnieke in wat die doelwitte en bedoelinge van die wetsontwerp sou wou “frustreer”.“Ons is bloot deur welwillendheid en die belange van die bestuur van die onderwyssektor gedryf.”

Wetsontwerp “ernstige oortreding” van Grondwet

Kommentaar

Republikein 2025-06-19

Meld asseblief aan om kommentaar te lewer

Wetsontwerp “ernstige oortreding” van Grondwet

Kommentaar

Republikein 2025-06-19

Meld asseblief aan om kommentaar te lewer

MELD AAN

Advertensie