Werknemer geskors oor ‘onwettige’ grondverkope

Tuyeimo Haidula op OshakatiDie Oshakati-stadsraad het verlede week een van sy werknemers onmiddellik ontslaan weens bewerings van korrupsie en die onwettige verkoop van erwe aan inwoners.Mnr. Joel Nakale het as tegniese assistent by die munisipaliteit gewerk en word daarvan beskuldig dat hy inwoners vir erwe laat betaal het voordat hulle toegekende erwe kon kry.Die dorp se uitvoerende hoof, mnr. Timoteus Namwandi, kon nie die bewerings teen Nakale, óf die aantal erwe wat hy glo verkoop het, bevestig nie.“Dit is ’n vertroulike en persoonlike aangeleentheid. Die raad sal op ’n gepaste tyd ’n verklaring uitreik, indien nodig,” het Namwandi gesê.‘NIKS NUUTS NIE’Die voormalige burgemeester van Oshakati, me. Katrina Shimbulu, het gesê sy het tydens raadsvergaderings verskeie kere die kwessie van grond wat onwettig verkoop word, aangeroer, maar niks is daaraan gedoen nie.“Hy (Nakale) is beslis nie alleen nie. Daar was baie sulke gevalle in hul departement en ek het al baie daaroor gekla. Ek het regtig hierteen geveg,” het Shimbulu Maandag aan Republikein se susterkoerant Namibian Sun gesê.Die Popular Democratic Movement (PDM) se koördineerder vir die Oshanastreek en voormalige Oshakati-raadslid, mnr. Linus Tobias, het gesê die bewerings oor korrupsie is nie nuut nie en met die afdanking van Nakale, is dit net die begin om die res ook aan die kaak te stel. Tobias het gesê: “Die beskuldigings oor korrupsie is niks nuuts nie en ek wil Nakale nie uitsonder nie. Daar moet na die hele beplanningsafdeling gekyk word.”Hy sê dit is voortydig om nou oor die saak kommentaar te lewer, aangesien hy nog nie al die besonderhede het nie.Nakale het glo erwe in die nuwe gebiede, Ekuku en meestal Onawa, verkoop. Diegene wat hy na bewering erwe aan verkoop het, het keelvol geraak en die raad genader. ’n Komitee is in die lewe geroep om die bewerings te ondersoek. - republikein@republikein.com.na

Werknemer geskors oor ‘onwettige’ grondverkope

Kommentaar

Republikein 2026-02-04

Meld asseblief aan om kommentaar te lewer

Werknemer geskors oor ‘onwettige’ grondverkope

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.