Wen 'n Tuiste-wenner glimlag hemelsbreed

Augetto Graig – CIC Namibia het gister die wenner van hul Wen 'n Tuiste-kompetisie aangekondig. Me. Eline Mukewa, 'n lugreëling- en verkoelingsambagsvrou, sê sy was verbaas om die oproep te ontvang.“Julle weet dis nie maklik nie, maar ek het dit geglo omdat ek weet ek het aan die kompetisie deelgeneem,” sê sy van die oomblik toe sy besef sy het gewen. Die vraghouer wat omskep is in 'n eenslaapkamertuiste, ter waarde van sowat N$110 000, is nou haar eiendom, nadat sy Viva-wasgoedseep en Satinskin-badskuim gekoop het. “Ek het nog daardie dag die goedkoopste een gekies,” onthou sy. Volgens mnr. Clinton de Klerk, CIC se bedryfsbestuurder, word die reeks kompetisies jaarliks aangebied en CIC gaan vanjaar voort met kompetisies op Valentynsdag en Moedersdag, met nóg twee kompetisies later in die jaar. Me. Linea Sheya, 'n verpleegster in 'n intensiewesorgeenheid en die 2021 kompetisiereeks se ander groot wenner, was ook teenwoordig. Sy het ook 'n Viva-seep gekoop en aan die kompetisie deelgeneem. Sy is nou die gelukkige eienaar van 'n splinternuwe volledige sonkragstelsel, insluitend sonpanele, bedrading en installasiekoste. CIC is ook verteenwoordig deur me. Marlien Nell, bestuurder vir sleutelkliënte, en die B. Grundleger-agentskap deur mnr. Winmar Rust. Die Grundleger-agentskap se hoofhandelsmerk is Amka.Amka is 'n verspreider van haarsorgprodukte, parfuum, huishoudelike skoonmaak- en velsorgprodukte. CIC Namibia diens ook die Indo Atlantic, Supra Sales, Pan Afrika en Brockmann & Kriess-agentskappe in Namibië wat 'n groot verskeidenheid verbruikersgoedere van talle bekende handelsmerke landswyd versprei. – augetto@republikein.com.naFOTO’sCIC Namibia se bedryfsbestuurder mnr. Clinton de Klerk gee vir wenner me. Eline Mukewa 'n Amka geskenk as aanduiding dat sy 'n vraghouer tuiste vir haar ondersteuning gewen het. Foto Augetto GraigCIC Namibia se bedryfsbestuurder mnr. Clinton de Klerk en die grootrekeningsbestuurder me. Marlien Nell wens vir me. Linea Sheya geluk. Foto Augetto Graig

Wen 'n Tuiste-wenner glimlag hemelsbreed

Kommentaar

Republikein 2025-06-24

Meld asseblief aan om kommentaar te lewer

Wen 'n Tuiste-wenner glimlag hemelsbreed

Kommentaar

Republikein 2025-06-24

Meld asseblief aan om kommentaar te lewer

MELD AAN

Advertensie