Wen met jou TV-lisensie

15 September 2016 | Kuns en vermaak
Yochanaan Coetzee - Die NBC het Maandagaand sy TV-lisensieveldtog van stapel gestuur tesame met die bekendstelling van ’n kompetisie wat lisensiehouers vir hul ondersteuning tydens die lisensiehernuwingstydperk beloon.
Die kompetisie, wat tot 30 September duur, het in ’n inkoopsentrum in Windhoek afgeskop, waar die veldtog se ambassadeurs, musikante Big Ben en Chikune, asook die kompetisiepryse bekend gestel is.
N$1 000 is weekliks op die spel en die groot wenner sal met ’n nuwe Suzuki AX 100-motorfiets beloon word.
“Elke mens wat ’n TV in Namibië besit, is verplig om sy TV-lisensiegeld te betaal,” het die NBC se bemarkingsbeampte, Toucy Tjijombo, gesê.
“Ons by die NBC wil egter ook die publiek beloon vir hul ondersteuning deur die jare, veral die mense wat hul lisensies betyds hernu.”
Die sperdatum vir die publiek om hul televisielisensies te hernu, is 30 September. Ná dié datum gaan van huis tot huis inspeksie gedoen word om seker te maak dat alle televisiestelle geregistreer is en dat eienaars in besit van die toepaslike lisensies is.
Ernstige gevolge wag vir diegene wat nie hul lisensies betaal of hernu nie. Dit kan wissel tussen ’n boete van N$2 000, ses maande tronkstraf en daar kan ook op die televisie beslag gelê word.
Die koste is N$204 per televisie vir ’n huishouding, N$60 vir pensioentrekkers en N$220 per televisie vir besighede.
Big Ben, een van die verteenwoordigers van die veldtog, het ’n beroep op die publiek gedoen om die nasionale uitsaaidiens te ondersteun sodat dit kan groei en verseker Namibiërs het toegang tot inligting en vermaak.
“Eerstens is dit die wet dat ons moet betaal. Maar die feit dat die NBC die moeite doen om mense aansporing te gee, wys hoe belangrik dit vir hulle is om te ontwikkel sodat hulle ’n beter diens aan die verbruiker kan verskaf,” het Big Ben gesê.
Sy mede-ambassadeur, Chikune, het ook die publiek herinner sonder die betaling van TV-lisensies, sal die NBC nie plaaslike musiek en TV- en radioproduksies kan ondersteun nie.
“Al kyk jy nie gereeld NBC nie, gebruik al die private dienste die NBC se uitsaaifrekwensie, dus is dit ’n verpligting,” het Chikune gesê.
Vir meer inligting kan die TV-lisensie-­afdeling gekontak word by 061 291 3111 of 061 291 2100, of besoek hul webtuiste by www.nbc.na/tv-­licensing.

Soortgelyk

 

Vyf damme kry water

52 minute gelede | Omgewing

Teen gistermiddag om 14:50 het die Hardapdam nog sowat 289,3 m³ water per sekonde ingekry, terwyl nog drie ander nasionale damme sedert Maandag ‘n inloop...

Lelies begin Sondag blom

11 ure gelede | Omgewing

Belangstellendes kan Sondag weer die lelieskouspel op die plaas Sandhof naby Maltahöhe bewonder wanneer die blomme na verwagting in die kleipan sal begin blom. Die...

Nóg reën word voorspel

11 ure gelede | Weer

Henriette Lamprecht – Met die weerprofete wat nóg reën voorspel, is dit veral die suidelike en sentrale gedeeltes van Namibië wat juig oor hul reënmeters...

Oranje: Oorstromings ‘haas onafwendbaar’

11 ure gelede |

Ronelle Rademeyer – ’n Volgende vloedgolf is in die Benede-Oranjerivier op pad en oewerboere is volgens berigte in die Suid-Afrikaanse media gewaarsku oorstroming lyk nou...

Weer vir 20 Januarie 2021

11 ure gelede | Weer

WEERWAAK: Tref voorsorg teen wyd verspreide donderbuie.BINNELAND: Gedeeltelik bewolk en warm in die Namib en die Zambezi- en Omaheke-streke met enkele buie. Elders bewolk en...

Reën beskadig tente by Havana-projekskool

11 ure gelede | Ministeries

Jeanette Diergaardt – Die Havana Sekondêre Projekskool het gister reënskade gehad nadat reënbuie die aand tevore in die hoofstad uitgesak het. Volgens die onderwysers wat...

Boer oorleef ná windpompstaaf hom deurboor

11 ure gelede | Misdaad

Ronelle Rademeyer – ’n Boer van Gobabis is na bewering Maandagnag op sy plaas deur die stiefseun van een van sy werkers ingewag en toe...

Uitspraak vandag oor omstrede skietvoorval

11 ure gelede | Howe

Augetto Graig – Landdros Taboka Mopipi lewer vanoggend om 08:30 in die hof op Kasane in Botswana uitspraak in die geregtelike nadoodse ondersoek na die...

Toeristegetalle styg in 2021

11 ure gelede | Toerisme

Henriette Lamprecht – Die aantal toeriste wat Namibië verlede jaar besoek het, het met 37,1% teenoor dié van 2020 gestyg. Verlede jaar het 'n totaal...