Welwitschias se skim-XV slyp teen Barbarians

Tielman van Lill - Die Windhoek Draught Welwitschias-groep raak môreaand in 'n opwarmwedstryd slaags met 'n baie gemotiveerde Namibiese Barbarianspan wat sal wil wys dat die dae verby is dat hul talent onderskat word.Die SuperSport-uitdaagreeks skop op 22 April af en die Namibië Rugbyunie bied dus môre twee oefenwedstryde op die Hage Geingob-stadion aan waar die skim-Welwitschias, asook die Namibiese o.20-span kans gaan kry om broodnodige wedstrydoefening op te doen.Die Welwitschias hoop om vanjaar op provinsiale vlak beter te vaar onder die mentorskap van die Wallieser Lyn Jones (hoofafrigter) en JP Nel wat die agterlyn brei. Beide Nel en Jones is gesoute rugbyfigure wat waardevolle inligting aan die spelers kan oordra.Die Barbarians uitnodigingspan is uit spelers in die premierliga gekies en sal deur Johan Diergaardt en Shaun Kaizemi afgerig word, terwyl Flip Louw die taak van spanbestuurder hanteer.Die Welwitschias sal in die Noordelike groep teen spanne soos die Vodacom Blou Bulle, Xerox Goue Leeus, Valke en Steval Pumas kragte meet. Die Tafel Lager Griekwas is saam met die Toyota Vrystaat Cheetahs, Down Touch Griffons, Luiperds en Cell C Haaie in die sentrale afdeling. Die oorblywende vyf spanne (Boland Kavaliers, Grens Bulldogs, OP Kings, SWD Arende en DHL Westelike Provinsie) neem in die suidelike groep deel.Afrigter Roger Thompson se Namibiese o.20-span vertrek binnekort na Madagaskar waar hulle vanaf 18 April aan Rugby Afrika se Barthes-trofee sal deelneem. Môreaand is hul opwarmwedstryd teen 'n o.23-uitnodigingspan wat deur Gerald Loubser afgerig word.Die o.20's se wedstryd skop om 18:00 af, terwyl die Welwitschias om 19:45 op die veld draf. Toegang is gratis. Opwindende rugby word deur die NRU voorspel. “Kom ondersteun die manne wat in die voorseisoen baie hard gewerk het.” Die Barbarians-groep wemel van spelers wat reeds in die vyf rondes van die premierliga sover hul hand opgesteek het en verskeie wat reeds toets-, Curriebeker- of Namibiese o.20-rugby gespeel het. Dit is veilig om te voorspel dat heelwat van hulle weer dié seisoen hul verskyning op die topvlak kan maak.Die Barbarians-groep (teen druktyd gister):Stutte: Desiderius Sethie (FNB Unam), PG Louw (Wanderers), Herman Grobler (Walvisbaai).Hakers: Niël van Vuuren (United), DG Wiese (Wanderers).Slotte: Grandt Nash (Kudus), Uno Katjiuongua (Western Suburbs), Winmar Rust (United), Wolfgang Rohl (Walvisbaai), Ruan Ludick (Wanderers).Flanke: Werner Meyer (Rehoboth), Renaud van Neel (Unam), Cameron Langenhoven (Kudus), Freddy Puriza (Unam), Ryan Garoeb (Suburbs).Agtstemanne: Joe Hermann (Walvisbaai).Skrumskakels: Sunday Haitembu (Unam), JC Winkler (Suburbs).Losskakels: Dirkie von Weidtz (Walvisbaai), Rodney Coetzee (Unam).Senters: Camlo Martin (Unam), Cedric Haraseb (Walvisbaai), Milaan van Wyk (Unam), Renier Bussel (Unam).Vleuels: Silvano Beukes (Unam), Russell van Wyk (Suburbs), Paulus Hangula (Rehoboth), Unomasa Kavita (Unam), Nikin Cloete (Suburbs).Heelagters: Lorenzo Louis (Unam), Jeroen van Dam (Walvisbaai).

Welwitschias se skim-XV slyp teen Barbarians

Kommentaar

Republikein 2025-12-16

Meld asseblief aan om kommentaar te lewer

Welwitschias se skim-XV slyp teen Barbarians

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.