Weermag, polisie in spervuur

Denver Kisting – ’n Menseregtewaghond eis die regering moet onmiddellik ingryp in bewerings oor weermag- en polisiegeweld.Sou dít nie gebeur nie, loop Namibië die risiko om “terug te keer na daardie smerige deel van ons geskiedenis toe geïnstitusionaliseerde geweld aan die orde van die dag was”.Só het me. Toni Hancox, die Regshulpsentrum (LAC) se direkteur, gistermiddag uitgevaar. “Daar is geen plek vir dié wettelose gedrag in ’n onafhanklike Namibië nie.”Die Namibiese weermag (NDF) moet regte help beskerm en nie verontagsaam nie, sê sy.Dit is omdat die president die weermag se hulp mag inroep om lewens, eiendom en gesondheid te beskerm.Hancox sê die LAC neem erg besorg kennis van bewerings dat die NDF en die Namibiese polisie met burgerlikes slaags raak.In ’n sterk bewoorde verklaring sê Hancox die LAC het talle siviele eise in sy besit teen die weermag en die polisie.Sou dié eise teen die owerhede slaag en skadevergoeding ter sprake raak, sal die belastingbetaler daarvoor moet opdok, waarsku Hancox.Die hulp wat dié owerhede mag verleen, word deur wetgewing beheer, sê sy.Dit bepaal die weermag en polisie mag slegs redelike krag gebruik om ’n misdaad te probeer hokslaan of om iemand in hegtenis te neem.Krag mag net onder dié omstandighede ingespan word, benadruk sy, “en dan ook net soos redelik benodig”.Hancox sê aantygings oor geweld aan die hand van die NDF en die polisie neem veral die laaste ruk toe.Dié toedrag van sake vereis dringende en onmiddellike ingryping deur die base van die instellings, sê sy.Die weermag het gister by monde van sy woordvoerder, lt.kol. Petrus Shilumbu, gesê die NDF is ewe verbaas oor ’n berig in ’n Engelse dagblad oor geweld aan die hand van soldate.Shilumbu sê die NDF is ’n wetsgehoorsame liggaam.Volgens hom het die ministerie van verdediging, waaronder die weermag val, soldate in geen stadium beveel om lede van die publiek aan te rand nie.Shilumbu sê ’n ondersoek sal gelas word en sou enigiemand skuldig bevind word, sal kragtens die weermag se dissiplinêre kode met hulle afgereken word.denver@republikein.com.na

Weermag, polisie in spervuur

Kommentaar

Republikein 2025-11-03

Meld asseblief aan om kommentaar te lewer

Weermag, polisie in spervuur

Kommentaar

Republikein 2025-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.