Weermag kry 921 nuwe soldate by
Die minister waarsku teen misdadigers wat wil aansluit.
Augetto Graig - Die militêre skool op die Osona-weermagbasis, buite Okahandja, se 15de inname het op 10 Maart uitgepasseer.
Al 921 het die Namibiese weermag (NDF) se eed voor die minister van verdediging, mnr. Penda ya Ndakolo, afgelê. Volgens brigadier-generaal Joshua Namindo, die militêre skool se nuwe bevelvoerder, het 837 mans en 84 vroue dié naweek by Namibië se weermag aangesluit.
Brigadier-generaal Namindo neem die leisels by die voormalige brigadier-generaal, Wilbard Shikongo, oor. Hy het die skool as 'n sentrum vir uitnemendheid beskryf en sy voorganger geprys vir gehalte opleiding.
“Die rekrute wat julle voor julle sien, is goed opgelei, gereed om die eed af te lê en om onmiddellik by die NDF aan te sluit,” het Namindo gesê.
Volgens hom het die troepe basiese en gespesialiseerde opleiding, en burgerlike opleiding oor vigs en geslagsbewustheid ontvang.
Namindo het gewaarsku dat militêre opleiding sonder beserings nie moontlik is nie.
Hy het die Okahandja-staatshospitaal geloof vir die spoedige behandeling van soldate wat tydens opleiding beseer is.
Uit die 931 soldate wat die kursus aangedurf het, is een na 'n kort siekbed oorlede, en ander is geskors weens verskeie redes soos swak gesondheid, of dat hulle nie die fisiese en sielkundige druk van die opleiding kon hanteer nie.
Die 10 lede wat nie uitgepasseer het nie sluit ook individue met 'n kriminele rekord in.
Die minister het gesê: “Die weermag kan en sal nie misdadigers verdra nie. Die NDF is 'n suiwer mag. Dit is 'n mag van mans en vroue wat bereid is om hul lewens vir hul land te gee.”
Ya Ndakolo het gesê weermagopleiding het verbeter.
“Ons leef werklik ons leuse: ons oefen hard in vredestye om met gemak te kan veg in oorlogstye.”
Die minister sê NDF-lede moet met opleiding voortgaan omdat dit konflik tot 'n sekere mate kan verhoed.
Hy het ook die weermag se werwingsvereistes verdedig en gesê dit moet streng toegepas word.
“Ons sal nie ons vereistes verander om ongekwalifiseerde lede toe te laat nie. Dit lei na uitsakkers, bedankings en ander ongelukkige voorvalle.”
Al 921 het die Namibiese weermag (NDF) se eed voor die minister van verdediging, mnr. Penda ya Ndakolo, afgelê. Volgens brigadier-generaal Joshua Namindo, die militêre skool se nuwe bevelvoerder, het 837 mans en 84 vroue dié naweek by Namibië se weermag aangesluit.
Brigadier-generaal Namindo neem die leisels by die voormalige brigadier-generaal, Wilbard Shikongo, oor. Hy het die skool as 'n sentrum vir uitnemendheid beskryf en sy voorganger geprys vir gehalte opleiding.
“Die rekrute wat julle voor julle sien, is goed opgelei, gereed om die eed af te lê en om onmiddellik by die NDF aan te sluit,” het Namindo gesê.
Volgens hom het die troepe basiese en gespesialiseerde opleiding, en burgerlike opleiding oor vigs en geslagsbewustheid ontvang.
Namindo het gewaarsku dat militêre opleiding sonder beserings nie moontlik is nie.
Hy het die Okahandja-staatshospitaal geloof vir die spoedige behandeling van soldate wat tydens opleiding beseer is.
Uit die 931 soldate wat die kursus aangedurf het, is een na 'n kort siekbed oorlede, en ander is geskors weens verskeie redes soos swak gesondheid, of dat hulle nie die fisiese en sielkundige druk van die opleiding kon hanteer nie.
Die 10 lede wat nie uitgepasseer het nie sluit ook individue met 'n kriminele rekord in.
Die minister het gesê: “Die weermag kan en sal nie misdadigers verdra nie. Die NDF is 'n suiwer mag. Dit is 'n mag van mans en vroue wat bereid is om hul lewens vir hul land te gee.”
Ya Ndakolo het gesê weermagopleiding het verbeter.
“Ons leef werklik ons leuse: ons oefen hard in vredestye om met gemak te kan veg in oorlogstye.”
Die minister sê NDF-lede moet met opleiding voortgaan omdat dit konflik tot 'n sekere mate kan verhoed.
Hy het ook die weermag se werwingsvereistes verdedig en gesê dit moet streng toegepas word.
“Ons sal nie ons vereistes verander om ongekwalifiseerde lede toe te laat nie. Dit lei na uitsakkers, bedankings en ander ongelukkige voorvalle.”
Kommentaar
Republikein
Geen kommentaar is op hierdie artikel gelaat nie