Weerlig slaan meisie (11) dood

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n mahanguveld in die Onawa-nedersetting naby Outapi in die Omusatistreek deur weerlig doodgeslaan. Sy was 'n leerling van die Kriopas Ndumeni Gekombineerde Skool. Die polisieondersoek duur voort.Drie kinders het die naweek verdrink.Volgens die Namibiese polisie se weeklikse misdaadverslag het Ndamono Nangolo (1 jaar en vyf maande) Vrydag omstreeks 13:30 in 'n emmer tradisionele drank verdrink. Die voorval het omstreeks 13:30 in die Okafitukasisia-nedersetting naby Outapi in die Omusatistreek plaasgevind. Sondag het nóg 'n kind in 'n emmer verdrink. Die eenjarige Jackson Nghitotelwa se liggaam is omstreeks 19:35 in 'n emmer water in die Eengonyo-nedersetting naby Eenhana gevind.Ook op Sondag het die agtjarige Shoombe Tangeni omstreeks 16:00 in die Okaloko-nedersetting naby Okahao in die Omusatistreek in 'n waterput verdrink nadat hy en ander kinders na beeste gesoek het. “Geen vuilspel word vermoed nie,” lui die polisieverslag.Die polisie ondersoek ook die dood van die drie maande oue Jesaya Shaanika. Hy is Saterdag omstreeks 05:00 dood in sy ma se slaapkamer in die Onenga-nedersetting naby Ondangwa gevind. 'n Sewejarige meisie is die vermeende slagoffer van verkragting. Volgens die polisie is die meisie glo verlede week deur haar 18-jarige nefie verkrag. “Na bewering het die verdagte die meisie gevolg waar sy vee in die Omhito-nedersetting in die omgewing van Omundaungilo naby Eenhana opgepas het en haar verkrag,” lui die verslag.“Die verdagte en slagoffer bly in die dieselfde huis en hy het haar ook glo in haar kamer verkrag.”Volgens die polisie het die verdagte op die vlug geslaan en hy is nog nie in hegtenis geneem nie. 'n Vrou (28) is glo ook Saterdag tussen 03:00 en 04:00 op Karasburg deur 'n 49-jarige man verkrag. Die verdagte is in hegtenis geneem.

Weerlig slaan meisie (11) dood

Kommentaar

Republikein 2026-08-04

Meld asseblief aan om kommentaar te lewer

Weerlig slaan meisie (11) dood

Kommentaar

Republikein 2026-08-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.