Weelderige gholflandgoed kom in duine by Walvis

Kristien Kruger – Beplanning vir 'n luukse gholflandgoed van 148 hektaar naby Walvisbaai is reeds in 'n gevorderde stadium en projekimplementering is geskeduleer om vanjaar te begin.Die President's Links Estate sal glo aangrensend tot die Dorob Nasionale Park gebou word en sal sowat 745 luukse wooneenhede insluit.Die gholfbaan sal volgens die webtuiste midde-in Namibië se kenmerkende duine gebou word.Die spesifieke ligging is gekies deur die wêreldbekende gholfbaanontwerper Peter Matkovich en sy vennoot, die ewe bekende majors-beroepspeler en wenner van die 2010 Britse Ope, Louis Oosthuizen.“Ons hoop die baan en die unieke omgewing sal bydra om die Sonskyn-gholfreeks terug na Namibië te lok en dalk selfs as 'n bestemming op die Europese Toer ingesluit te word,” lui die inligting op hul webtuiste.Dit sal glo een van slegs drie ander bane ter wêreld wees wat tussen sandduine ontwerp en gebou is. 745 WOONEENHEDE, BIOSKOOP EN GIMNASIUMDie grootte van wooneenhede in die landgoed sal tussen 184 en 390 vierkante meter strek en die aankooppryse wissel tussen N$3.9 miljoen en N$8.5 miljoen.Op die landgoed word ook beplan om troeteldiervriendelike parke, 'n sportopvoedingsentrum, restaurante, koffiewinkels, klubhuis, gimnasium, rolbalbaan, swembad, tennisbane, hardloop- en fietsrybane en 'n bioskoop te laat bou. AFTREEOORDDaar sal ook aftree-eenhede in die landgoed gebou word.“Die aftree-eenhede van 115 m² sal geleë wees op 'n eiendom van jou keuse. Die eiendom sal twee slaapkamers met en suite-badkamers hê, 'n ruim leefarea en kombuis/opwaskamer, 'n enkelmotorhuis, tuin en kaggel. Die prys begin by N$2 400 000,” lui die webtuiste.Twee groter eenhede met 'n dubbelmotorhuis is ook beskikbaar en sommiges het selfs 'n uitsig oor die gholfbaan. EKOVRIENDELIK, DOG MODERNVolgens die webtuiste voldoen die President's Links ten volle aan die Edge-sertifiseringstelsel (Excellence in Design for Greater Efficiencies) van die International Finance Corporation. “Edge-sertifisering gee eienaars die versekering dat hul huise gebou is om hulpbrondoeltreffend te wees. Deur te fokus op energie- en waterbesparingsinisiatiewe, sowel as om die maksimum gebruik van grondstowwe in hul mees natuurlike toestand te verseker,” het die direkteur, mnr. Andrew van Schalkwyk, bevestig.Die President's Links sal glo van elektrokoagulasietegnologie gebruik maak om water wat voorheen uitvloeisel was (van die Walvisbaai-munisipaliteit) in 'n reuklose bron van besproeiingswater om te skakel vir die besproeiing van die gholfbaan. “Die munisipaliteit het drie miljoen liter water per dag aan die landgoed toegestaan, wat tans nie geskik is vir menslike gebruik nie en nie tot drinkbare water gesuiwer kan word nie. Alle water wat nie op die landgoed gebruik word nie, sal dan teruggestuur word na die munisipaliteit vir gebruik in die omliggende gemeenskap,” het Van Schalkwyk gesê.Belegging in hierdie ekovriendelike, volhoubare, dog moderne en gesofistikeerde landgoed sluit 'n gratis gholflidmaatskap in.“Enigiemand wat in President's Links belê, sal outomaties bydra tot The Living Desert Fund waar 5-7% van elke huis wat verkoop word, in hierdie volhoubaarheidsfonds gaan, wat gemeenskapsontwikkeling sowel as die instandhouding van die gholfbaan en klubhuis moontlik sal maak,” het Van Schalkwyk gesê.– kristien@republikein.com.naFOTO’sDie Moringa-eenhede (283 m²) het drie slaapkamers, 'n ruim leefarea en kombuis/opwaskamer, 'n dubbelmotorhuis, tuin, kaggel en 'n onderdak-houtpatio met braai-area. Die prys begin by N$6.18 miljoen. Foto The President's Links Estate se webbladDie gholflandgoed sal 148 hektaar groot wees. Foto The President's Links Estate se webblad.

Weelderige gholflandgoed kom in duine by Walvis

Kommentaar

Republikein 2026-02-03

Meld asseblief aan om kommentaar te lewer

Weelderige gholflandgoed kom in duine by Walvis

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.