Wayde laat Suid-Afrika wéér groot skrik

Wim Pretorius – Wat veronderstel was om vir Wayde van Niekerk ’n eerste groot proeflopie sedert 2017 teen buitelandse teenstanders te wees, het Sondag kort voor middernag (SA tyd) in drama geëindig toe die 400 m-wêreldrekordhouer in Boston hinkepink die eindstreep oorgesteek het.Suid-Afrika sal weer asem ophou en hoop dat die verdedigende Olimpiese kampioen se seisoen nie skielik kortgeknip is deur nóg ’n besering nie.Van Niekerk was in aksie by die Boost Boston-spele waar hy veronderstel was om op die tydelike reguit baan in die strate van Boston teen die verdedigende 400 m-wêreldkampioen Steven Gardiner van die Bahamas oor die 200 m kragte te meet.Die blits was goed uit die blokke en het heel belowend gelyk voordat hy met sowat 25 m oor skielik begin huppel het en eindelik in 20.86 sekondes klaargemaak het.Gardiner was boonop nêrens te sien nie, met die Kanadees Jerome Blake wat met die louere weggestap het in 19.89 sekondes.Dit was egter die spoed waarmee Van Niekerk, wat aan die begin van die maand by sy nuwe oefengroep in Florida aangesluit het, sy spykerskoene ná die tyd uitgetrek en vir sy afrigter, Lance Brauman, beduie het dat sy regterheup iets makeer wat die meeste aandag gekry het.Brauman het agterna aan NBC Sports se Lewis Johnson gesê daar is in die stadium nie veel rede tot kommer nie.Volgens Brauman het Van Niekerk ’n bietjie styf getrek in sy regterheup en besluit om nie deur te druk vir die res van die wedloop nie.Hy het bygevoeg Van Niekerk het die regte besluit geneem en na sal alle waarskynlikheid oukei wees.Suid-Afrika sal nou hoop dat Van Niekerk se besering nie ernstig is nie en dat die blits wel vanjaar die vlug na Tokio sal haal.Die langasem Dominique Scott-Efurd het ’n derde plek in die vroue se myl behaal. Sy het die wedloop in vier minute, 35 sekondes voltooi, met die wenner, die Amerikaner Nikki Hiltz, wat ’n nuwe voorste tyd in die wêreld vir 2021 opgestel het in vier minute, 31 sekondes. – Netwerk24FOTOWayde van Niekerk. Foto Getty Images

Wayde laat Suid-Afrika wéér groot skrik

Kommentaar

Republikein 2025-12-19

Meld asseblief aan om kommentaar te lewer

Wayde laat Suid-Afrika wéér groot skrik

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.