Warriors hoop vir positiewe uitslag
Sokker
Tielman van Lill
Die Brave Warriors, Namibië se nasionale sokkerspan, stap vanaand seweuur in Rustenburg, se Royal Bafokeng-stadion teen Bafana Bafana op die veld.
Dié vriendskaplike internasionale botsing is net die regte medisyne wat die dokter vir die Namibiërs aanbeveel het.
Die stadion in die Noordwes-provinsie is geen vreemde jagveld vir Namibië se krygers nie, wat graag hul rekord teen die gasheer wil verbeter.
Molefi Ntseki, hoofafrigter van Suid-Afrika, en kaptein Thulani Hlatshwayo sal nietemin op hul laaste uitslag van 1-0 by die 2019 Afrika-Nasiesbeker in Egipte teen die besoekers wil voortbou.
Beide lande is besig met voorbereidings vir kwalifiserende wedstryde vir die 2021 Afrika-Nasiesbeker (Afcon) in Kameroen.
Suid-Afrika speel Sondag by dieselfde venue teen Zambië in 'n vriendskaplike wedstryd.
Bafana stap op 9 en 17 November onderskeidelik by die FNB-stadion en die Estádio Nacional 12 de Julho teen Sao Tomé en Principe op die veld.
Op dieselfde datums pak Namibië vir Mali – eers by die Stade 26 Mars-stadion in Bamako en dan weer in Windhoek by die Sam Nujoma-stadion.
Ntseki het twee veranderinge aan sy mees onlangse span aangebring. Sinethemba Sithebe vervang Kurt Abrahams, terwyl Lyle Foster die plek van Sipho Mbule inneem. Hy het ook Percy Tau, Keagan Dolly en Luyher Singh nadergeroep wat tans in Europa sokker speel.
Bobby Samaria, hoofafrigter van die Warriors, en sy adjunk Robert Nauseb het sedert 22 September hul troepe vir 'n oefenkamp bymekaargeroep. Samaria het intussen sy kommer uitgespreek dat die spelers se fiksheid ver benede peil is, terwyl 'n paar staatmakers oor die hoof gesien is.
Peter Shalulile sal beslis die Namibiese aanslag teen die gasheer lei, met spanmaats soos Lloydt Kazapua en Virgil Vries (doelwagters), Chris Katjiukua, Riaan !Hanamub, Ananias Gebhardt, Emilio Martin en Denzil Haoseb wat ook ervaring bring.
Absalom Iimbondi en Joslin Kamatuka het ook ondervinding om die nodige kalmte onder die minder ervare spelers te besorg.
Met geen aktiewe premierliga die afgelope seisoen in die land nie, sal plaaslike spelers beslis die faktor van verroestheid te bowe moet kom.
SPANKEUSE
Afrigter Samaria sê gisteroggend se oefensessie van 45 minute in Rustenburg was 'n goeie losmaker en dat die buitelandse beroepspelers reeds seepglad ingeskakel het.
Samaria sê die weglating van Deon Hotto, wat Bidvest Wits verlaat om by Orlando Pirates aan te sluit, is omdat hy nog met rehabilitasie ná 'n besering besig is.
Indien die vuurvreter Marcel Papama 'n kans kry, kan hy Samaria van sy vermoëns oortuig en vir 'n verrassing of twee op die aanval sorg.
Dit is hartseer dat Petrus Shitembi, die man met die dansende stewels, nie die groep gehaal het nie. Shitembi kan binne sekondes verdediging in 'n brutale aanval omskep.
Die Warriors in tans 117de op die Fifa-ranglys (17 September 2020), terwyl Bafana Bafana 71ste deur dié liggaam gereken word.
Namibië se rekord teen sy suidelike buurland is: 9 gespeel, twee gewen, een gelykop, 8 doele vir, 17 teen.
Namibië spog tans met 'n positiewe rekord teen elf Afrika-lande, naamlik Tsjad (2 gewen, 1 verloor), Comores (3–1), Djiboeti (2–0), Eritrea (2–0), Ethiopië (2–0), Gambië (2–1), Kenia (4–2), Lesotho (4–3), Malawi (8–4), Mosambiek (9–3) en Seychelle (3–0).
Die Warriors se getuigskrif staan gelykop teen Benin (1 gewen, 1 verloor), Burundi (1 - 1), DR Kongo (1–1), Liberië (1–1), Libië (1–1), Madagaskar (3–3), Mauritius (2–2) en Zimbabwe (6–6) .
Dit is egter die 24 groter sokkernasies soos Algerië (0 wen, 4 verloor), Angola (0–7), Botswana (2–7), Burkina Faso (0–3), Kameroen (0–2), Kongo (1–3), Egipte (0–5), Ghana (0–2), Guinee (0–6), Guinee-Bissau (0–1), Ivoorkus (2–3), Mali (1–2), Marokko (0–6), Niger (1–2), Nigerië (0–3), Rwanda (0–1), Senegal (0–5), Suid-Afrika (1–6), Eswatini (1–3), Tanzanië (0–1), Tunisië (0–3) en Zambië (2–8) wat die Namibiërs se rekord in Afrika beduiwel.
BRAVE WARRIORS (GROEP)
Doelwagters: Ratanda Mbazuvara, Kamaijanda Ndisiro, Lloydt Kazapua en Virgil Vries.
Verdedigers: Chris Katjiukua, Riaan !Hanamub, Gebhardt Ananias, Emilio Martin, Vitapi Ngaruka, Larry Horaeb, Approcius Petrus, Rehabeam Mbango, Erasmus Ikeinge, Denzil Haoseb en Kleopas Nuukushu.
Middelveldspelers: Dynamo Fredericks, Immanuel Heita, Wendell Rudath, Gustav Isaak, Alfeus Handura, Llewelyn Stanley, Absalom Iimbondi, Wesley Katjiteo en Marcel Papama.
Voorspelers: Elmo Kambindu, Issaskar Gurirab, Panduleni Nekundi, Monis Omseb, Peter Shalulile en Joslin Kamatuka.
BAFANA BAFANA (GROEP)
Doelwagters: Darren Keet, Ronwen Williams en Ricardo Goss.
Verdedigers: Thibang Phete, Motjeka Madisha, Thulani Hlatshwayo, Sifiso Hlanti, Innocent Maela, Mosa Lebusa, Abubaker Mobara en Reeve Frosler.
Middelveldspelers: Andile Jali, Mothobi Mvala, Themba Zwane, Thabo Nodada, Teboho Mokoena, Gladwin Shitolo, Keagan Dolly, Percy Tau, Thabiso Kutumela, Lyle Forster en Luther Singh.
Voorspelers: Kermit Erasmus, Sinethemba Sithebe en Lebohang Manyama.
Afskoptyd: 19:00
- [email protected]
Die Brave Warriors, Namibië se nasionale sokkerspan, stap vanaand seweuur in Rustenburg, se Royal Bafokeng-stadion teen Bafana Bafana op die veld.
Dié vriendskaplike internasionale botsing is net die regte medisyne wat die dokter vir die Namibiërs aanbeveel het.
Die stadion in die Noordwes-provinsie is geen vreemde jagveld vir Namibië se krygers nie, wat graag hul rekord teen die gasheer wil verbeter.
Molefi Ntseki, hoofafrigter van Suid-Afrika, en kaptein Thulani Hlatshwayo sal nietemin op hul laaste uitslag van 1-0 by die 2019 Afrika-Nasiesbeker in Egipte teen die besoekers wil voortbou.
Beide lande is besig met voorbereidings vir kwalifiserende wedstryde vir die 2021 Afrika-Nasiesbeker (Afcon) in Kameroen.
Suid-Afrika speel Sondag by dieselfde venue teen Zambië in 'n vriendskaplike wedstryd.
Bafana stap op 9 en 17 November onderskeidelik by die FNB-stadion en die Estádio Nacional 12 de Julho teen Sao Tomé en Principe op die veld.
Op dieselfde datums pak Namibië vir Mali – eers by die Stade 26 Mars-stadion in Bamako en dan weer in Windhoek by die Sam Nujoma-stadion.
Ntseki het twee veranderinge aan sy mees onlangse span aangebring. Sinethemba Sithebe vervang Kurt Abrahams, terwyl Lyle Foster die plek van Sipho Mbule inneem. Hy het ook Percy Tau, Keagan Dolly en Luyher Singh nadergeroep wat tans in Europa sokker speel.
Bobby Samaria, hoofafrigter van die Warriors, en sy adjunk Robert Nauseb het sedert 22 September hul troepe vir 'n oefenkamp bymekaargeroep. Samaria het intussen sy kommer uitgespreek dat die spelers se fiksheid ver benede peil is, terwyl 'n paar staatmakers oor die hoof gesien is.
Peter Shalulile sal beslis die Namibiese aanslag teen die gasheer lei, met spanmaats soos Lloydt Kazapua en Virgil Vries (doelwagters), Chris Katjiukua, Riaan !Hanamub, Ananias Gebhardt, Emilio Martin en Denzil Haoseb wat ook ervaring bring.
Absalom Iimbondi en Joslin Kamatuka het ook ondervinding om die nodige kalmte onder die minder ervare spelers te besorg.
Met geen aktiewe premierliga die afgelope seisoen in die land nie, sal plaaslike spelers beslis die faktor van verroestheid te bowe moet kom.
SPANKEUSE
Afrigter Samaria sê gisteroggend se oefensessie van 45 minute in Rustenburg was 'n goeie losmaker en dat die buitelandse beroepspelers reeds seepglad ingeskakel het.
Samaria sê die weglating van Deon Hotto, wat Bidvest Wits verlaat om by Orlando Pirates aan te sluit, is omdat hy nog met rehabilitasie ná 'n besering besig is.
Indien die vuurvreter Marcel Papama 'n kans kry, kan hy Samaria van sy vermoëns oortuig en vir 'n verrassing of twee op die aanval sorg.
Dit is hartseer dat Petrus Shitembi, die man met die dansende stewels, nie die groep gehaal het nie. Shitembi kan binne sekondes verdediging in 'n brutale aanval omskep.
Die Warriors in tans 117de op die Fifa-ranglys (17 September 2020), terwyl Bafana Bafana 71ste deur dié liggaam gereken word.
Namibië se rekord teen sy suidelike buurland is: 9 gespeel, twee gewen, een gelykop, 8 doele vir, 17 teen.
Namibië spog tans met 'n positiewe rekord teen elf Afrika-lande, naamlik Tsjad (2 gewen, 1 verloor), Comores (3–1), Djiboeti (2–0), Eritrea (2–0), Ethiopië (2–0), Gambië (2–1), Kenia (4–2), Lesotho (4–3), Malawi (8–4), Mosambiek (9–3) en Seychelle (3–0).
Die Warriors se getuigskrif staan gelykop teen Benin (1 gewen, 1 verloor), Burundi (1 - 1), DR Kongo (1–1), Liberië (1–1), Libië (1–1), Madagaskar (3–3), Mauritius (2–2) en Zimbabwe (6–6) .
Dit is egter die 24 groter sokkernasies soos Algerië (0 wen, 4 verloor), Angola (0–7), Botswana (2–7), Burkina Faso (0–3), Kameroen (0–2), Kongo (1–3), Egipte (0–5), Ghana (0–2), Guinee (0–6), Guinee-Bissau (0–1), Ivoorkus (2–3), Mali (1–2), Marokko (0–6), Niger (1–2), Nigerië (0–3), Rwanda (0–1), Senegal (0–5), Suid-Afrika (1–6), Eswatini (1–3), Tanzanië (0–1), Tunisië (0–3) en Zambië (2–8) wat die Namibiërs se rekord in Afrika beduiwel.
BRAVE WARRIORS (GROEP)
Doelwagters: Ratanda Mbazuvara, Kamaijanda Ndisiro, Lloydt Kazapua en Virgil Vries.
Verdedigers: Chris Katjiukua, Riaan !Hanamub, Gebhardt Ananias, Emilio Martin, Vitapi Ngaruka, Larry Horaeb, Approcius Petrus, Rehabeam Mbango, Erasmus Ikeinge, Denzil Haoseb en Kleopas Nuukushu.
Middelveldspelers: Dynamo Fredericks, Immanuel Heita, Wendell Rudath, Gustav Isaak, Alfeus Handura, Llewelyn Stanley, Absalom Iimbondi, Wesley Katjiteo en Marcel Papama.
Voorspelers: Elmo Kambindu, Issaskar Gurirab, Panduleni Nekundi, Monis Omseb, Peter Shalulile en Joslin Kamatuka.
BAFANA BAFANA (GROEP)
Doelwagters: Darren Keet, Ronwen Williams en Ricardo Goss.
Verdedigers: Thibang Phete, Motjeka Madisha, Thulani Hlatshwayo, Sifiso Hlanti, Innocent Maela, Mosa Lebusa, Abubaker Mobara en Reeve Frosler.
Middelveldspelers: Andile Jali, Mothobi Mvala, Themba Zwane, Thabo Nodada, Teboho Mokoena, Gladwin Shitolo, Keagan Dolly, Percy Tau, Thabiso Kutumela, Lyle Forster en Luther Singh.
Voorspelers: Kermit Erasmus, Sinethemba Sithebe en Lebohang Manyama.
Afskoptyd: 19:00
- [email protected]
Kommentaar
Republikein
Geen kommentaar is op hierdie artikel gelaat nie