Warriors: Dis nou of nooit!
Namibië is in afwagting op die finale hekkie vir wat net sy derde kwalifisering vir die Afrika-skouspel sal wees.
Tielman van Lill – Alle oë is môre op die Tafel Lager Brave Warriors, Namibië se nasionale sokkerspan, wat in Lusaka met Zambië wil afreken om vir die 2019 Afrika Nasiebekertoernooi (Afcon) te kwalifiseer.
Namibië het in sy eerste kwalifiserende ontmoeting teen Chipolopolo (die Koperkoeëls) op 8 September verlede jaar in die Sam Nujoma-stadion in Windhoek met 1-1 gelykop gespeel.
Môre is dit buig of bars vir die Warriors wanneer hulle in Lusaka se Nasionale Helde-stadion op die veld stap.
Namibië sal Zambië (4 punte) moet klop, want Mosambiek is met sewe punte net een agter die Namibiërs. Al vier lande het vyf botsings agter die rug en die voorste drie spanne het net een wedstryd oor om hul vliegkaartjies na Kaïro, Egipte, te bespreek. Net die toptwee spanne in elke groep kwalifiseer vir die eindtoernooi wat van 21 Junie tot 19 Julie aangebied word.
Indien die Warriors vir die massiewe skouspel kwalifiseer, sal dit die tweede keer in twee jaar wees wat hoofafrigter Ricardo Mannetti en sy troepe ondanks moeilike omstandighede vir ’n kontinentale sokkertoernooi kwalifiseer.
’n Gelykopstryd teen die Koperkoeëls sal nie noodwendig goed genoeg vir die Warriors wees nie, want dan verdien hulle net een ligapunt wat hulle op nege plaas. Sou Mosambiek terselfdertyd sy laaste botsing teen Guinee-Bissau inpalm, sal hy met tien teenoor Namibië se nege eindig. Dus is die enigste uitweg ’n klinkende oorwining wat Mannetti en sy troepe met breë borskaste kan laat rond stap.
Sou die Warriors net gelykop teen Zambië speel, sal hulle moet hoop en bid dat Mosambiek sy wedstryd teen Guinee-Bissau verloor, want ’n oorwinning vir die Mambas sal hulle op tien te staan bring terwyl ’n gelykopuitslag hulle op agt gaan laat.
Indien Namibië en Guinee-Bissau met ewe veel punte eindig, sal laasgenoemde die beslissende voordeel hê dat hy in die twee spanne se direkte ontmoetings vier ligapunte teen een verdien het. Namibië en Mosambiek word daardeur onderskei dat die Brave Warriors beide die tuis- ’n die wegwedstryd gewen het.
Mannetti sê: “Ons is ten einde laaste hier om die laaste hekkie vir 2019 oor te steek. Ons sal in Lusaka ons heel beste moet lewer om ons drome te verwesenlik. Ons het oor die laaste paar jaar bitter hard gewerk en die span is uiteindelik in die laaste pylvak.
“Die spelers verdien elkeen om deel van die span te wees. Ons is ’n familie en die spangees en harmonie tussen die ouens is ongelooflik. Dit is deel van ons veldtog en die manne verstaan hoe belangrik die laaste wedstryd teen Zambië is. Die tegniese span het geen steen onaangeroer gelaat om elke speler op sy beste moontlike peil te kry nie,” het Mannetti trots verduidelik.
Al 26 spelers wat in die oefengroep was, het gister ’n vlug vanaf Internasionale Lughawe Hosea Kutalo na Lusaka gehaal.
Die finale wedstrydgroep van 18 sal môre bekend gemaak word en die wedstryddekking begin vanaf 18:15 regstreeks op DStv kanaal 229 (SuperSport 9). Die afskoptyd is om 18:30.
Die Tafel Lager Brave Warriors-spelersgroep: Virgil Vries, Maximillian Mbaeva, Loydt Kazapua, Petrus Shitembi, Teberius Lombard, Ananias Gebhardt, Willy Stephanus, Denzil Haoseb, Peter Shalulile, Marcel Papama, Riaan Hanamub, Dynamo Fredericks, Emilio Martin, Ronald Ketjijere, Benson Shilongo, Ivan Kamberipa, Edmund Kambanda, Muna Katupose, Sadney Urikhob, Joslin Kamatuka, Charles Hambira, Treasure Kauapirura, Itamunua Keimuine, Immanuel Heita, Absalom Iimbondi en Deon Hotto.
Namibië het in sy eerste kwalifiserende ontmoeting teen Chipolopolo (die Koperkoeëls) op 8 September verlede jaar in die Sam Nujoma-stadion in Windhoek met 1-1 gelykop gespeel.
Môre is dit buig of bars vir die Warriors wanneer hulle in Lusaka se Nasionale Helde-stadion op die veld stap.
Namibië sal Zambië (4 punte) moet klop, want Mosambiek is met sewe punte net een agter die Namibiërs. Al vier lande het vyf botsings agter die rug en die voorste drie spanne het net een wedstryd oor om hul vliegkaartjies na Kaïro, Egipte, te bespreek. Net die toptwee spanne in elke groep kwalifiseer vir die eindtoernooi wat van 21 Junie tot 19 Julie aangebied word.
Indien die Warriors vir die massiewe skouspel kwalifiseer, sal dit die tweede keer in twee jaar wees wat hoofafrigter Ricardo Mannetti en sy troepe ondanks moeilike omstandighede vir ’n kontinentale sokkertoernooi kwalifiseer.
’n Gelykopstryd teen die Koperkoeëls sal nie noodwendig goed genoeg vir die Warriors wees nie, want dan verdien hulle net een ligapunt wat hulle op nege plaas. Sou Mosambiek terselfdertyd sy laaste botsing teen Guinee-Bissau inpalm, sal hy met tien teenoor Namibië se nege eindig. Dus is die enigste uitweg ’n klinkende oorwining wat Mannetti en sy troepe met breë borskaste kan laat rond stap.
Sou die Warriors net gelykop teen Zambië speel, sal hulle moet hoop en bid dat Mosambiek sy wedstryd teen Guinee-Bissau verloor, want ’n oorwinning vir die Mambas sal hulle op tien te staan bring terwyl ’n gelykopuitslag hulle op agt gaan laat.
Indien Namibië en Guinee-Bissau met ewe veel punte eindig, sal laasgenoemde die beslissende voordeel hê dat hy in die twee spanne se direkte ontmoetings vier ligapunte teen een verdien het. Namibië en Mosambiek word daardeur onderskei dat die Brave Warriors beide die tuis- ’n die wegwedstryd gewen het.
Mannetti sê: “Ons is ten einde laaste hier om die laaste hekkie vir 2019 oor te steek. Ons sal in Lusaka ons heel beste moet lewer om ons drome te verwesenlik. Ons het oor die laaste paar jaar bitter hard gewerk en die span is uiteindelik in die laaste pylvak.
“Die spelers verdien elkeen om deel van die span te wees. Ons is ’n familie en die spangees en harmonie tussen die ouens is ongelooflik. Dit is deel van ons veldtog en die manne verstaan hoe belangrik die laaste wedstryd teen Zambië is. Die tegniese span het geen steen onaangeroer gelaat om elke speler op sy beste moontlike peil te kry nie,” het Mannetti trots verduidelik.
Al 26 spelers wat in die oefengroep was, het gister ’n vlug vanaf Internasionale Lughawe Hosea Kutalo na Lusaka gehaal.
Die finale wedstrydgroep van 18 sal môre bekend gemaak word en die wedstryddekking begin vanaf 18:15 regstreeks op DStv kanaal 229 (SuperSport 9). Die afskoptyd is om 18:30.
Die Tafel Lager Brave Warriors-spelersgroep: Virgil Vries, Maximillian Mbaeva, Loydt Kazapua, Petrus Shitembi, Teberius Lombard, Ananias Gebhardt, Willy Stephanus, Denzil Haoseb, Peter Shalulile, Marcel Papama, Riaan Hanamub, Dynamo Fredericks, Emilio Martin, Ronald Ketjijere, Benson Shilongo, Ivan Kamberipa, Edmund Kambanda, Muna Katupose, Sadney Urikhob, Joslin Kamatuka, Charles Hambira, Treasure Kauapirura, Itamunua Keimuine, Immanuel Heita, Absalom Iimbondi en Deon Hotto.
Kommentaar
Republikein
Geen kommentaar is op hierdie artikel gelaat nie