Warm derby-stryde open premierliga

Andrew Poolman - Al die gerugte van die voorseisoen oor wie moontlik na watter rugbyklub gaan verskuif of wie intussen die stewels opgehang het, kry môre gestalte met die harde werklikheid van die afskopnaweek van die Namibië Rugby-unie se premierliga.Die agt spanne takel mekaar met 'n stel derbies tussen buurklubs en aartsvyande – met die een tussen FNB Wanderers en Trustco United wat altyd 'n hewige stryd afgee wat moeilik is om mis te kyk.Die land se twee oudste rugbyklubs ontmoet môre by Wanderers – wat die Neels Dodds-trofee moet verdedig wat hy laas jaar in 'n wegwedstryd op die openingsnaweek naelskraap met 36-31 gewen het.United het 'n redelik gevestigde kern, met die aansluiting van twee Unam-spelers van laasjaar in Simon Kanime (haker/stut) en Mbimbo Mbai (senter). Afrigter Jood Opperman moes egter vier spelers aan die nasionale sewesspan afstaan, naamlik Martin Cronjé, Nandivatu Karuuombe, Handré Bezuidenhout en Naudé Neethling.In die Wanderers-kamp was afrigter JP Nel se sake gister nog redelik vloeibaar, met Mahco Prinsloo wat op nommer tien ingesluit moes word toe die Namibiese losskakel-aanwins Theuns Kotzé met 'n dyspierbesering moes onttrek.'n Moeilike seisoen lê vir die Wit Hingste voor. Verskeie gapings moet gevul word ná die uittrede van Nico Esterhuyse, Alberto Engelbrecht en Callie Swanepoel; die verhuising van Schalk Bergh (Aranos) en Johan Luttig (Tsumeb); asook die verlies van Riaan van Zyl (Nieu-Seeland), Petri Burger (Australië) en Johann Tromp (OP Kings). Daar was ook die skorsings van Arthur Bouwer en Theo Coetzee en beserings vir die rugbyklub se sportman van 2016, Gerhard Lötter, en die geharde toetsflank Tinus du Plessis.Beter nuus was die verkryging van Phillip Nashikaku, die Welwitschias se vleuel, en die terugkeer van die slot Ruan Ludick ná 'n kortstondige aansluiting by 'n klub in Wallis. Agtsteman Adriaan Booysen was tevore die Cravenweek-spankaptein en sy vertoning sal beslis dopgehou word.FNB Wanderers: 15 Léan Stoop, 14 Phillip Nashikaku, 13 JC Greyling, 12 Ethan Beukes, 11 Malcolm Moore, 10 Mahco Prinsloo, 9 Enem Kritzinger, 8 Adriaan Booysen, 7 Rohan Kitshoff (kapt), 6 DG Wiese, 5 Ruan Ludick, 4 Stef Botha, 3 Andries Rousseau, 2 Shaun du Preez, 1 Nian Berg. Reserwes: Nelius Theron, Christo McNish, Herman Krause, Dirk de Meyer, Heico Prinsloo, Cody la Cock, Deselvano Beukes/Theuns Kotzé.Trustco United: 15 Felix Humpreys, 14 Stefan Louw, 13 Donovan van Wyk, 12 Mbimbo Mbai, 11 Henry Kandjou, 10 Ascher Coetzee, 9 Pieter Janse van Vuuren, 8 Winmar Rust (kapt), 7 Panduleni Ilonga, 6 Dewald Coetzee, 5 Jandré Lamprecht, 4 Lionel Nantes, 3 Simon Kanime, 2 Niël van Vuuren, 1 Collen Smith. Die reserwebank sou gisteraand uitgeklaar word. REHOBOTH TEEN FALCONGenade word ook nie tussen dié twee buurklubs gegee of gevra nie.Reho Falcon se spelersgroep is gister deur spanbestuurder Deon Mouton bekend gemaak, met die kaptein wat nog bevestig moes word.Voorspelers: Reginald Araeb, Jason Benade, Jeandre Cloete, Amos Loxton, Jacques Platt, Neville Vries, Brandon Rickerts, Shaun Kuzeeko, Lloyd van Wyk, Milando Titus.Agterspelers: Stewart Swartz, Collin de Koe, Zavier van Wyk, Diego Loubser, Nazume Swartz, Samile Loubser, Hillian Beukes, Anthony Brandt, Angelo Kotze.Rehoboth Rugbyklub se wedstrydgroep sou eers by gisteraand se oefening bekend gemaak word. Die Rooi Bulle het 'n nuwe hoofafrigter in die persoon van Les Bougard, wat sal streef om laasjaar se openingsege met 22-20 te herhaal. WALVISBAAI TEEN KUDUSAlbei die hawedorp se rugbyklubs is onder nuwe afrigters.By Walvisbaai Rugbyklub het Gawan Esterhuizen (tevore by Kudus) die leisels oorgeneem, met Quinton Simon aan die stuur van die agterlyn en Johan Bothma by die voorspelers. By die tweede span is Jannes Smit en Leeroy Rentzke in beheer.Walvisbaai het verlede jaar klippe gekou in die premierliga, maar met 'n beter voorseisoen en hier en daar 'n aanwins is dit nie ondenkbaar om 'n oplewing van die maroen truie te verwag nie.Kudus het van Callie van Wyk afskeid geneem, wat hom op die afrigting van Walvisbaai Privaat Hoërskool toespits. Donovan Paulse het oorgeneem om Narraville se bloues vir die nuwe seisoen te slyp wat môre op hul tuisveld begin.BULSTRYD IN KHOMASDALRudolf Witbooi se vuurdoop aan die stuur van FNB Western Suburbs kom sommer in die vorm van die verdedigende kampioene, FNB Unam. Die studentespan van Johan Diergaardt het boonop 'n aura van gevestigde kombinasies en oorgenoeg diepte. Vir bewese wedstrydwenners op klubvlak hoef jy ook nie verder as Lorenzo Louis of Lesley Klim te soek nie.Dit is reeds 13 premierligawedstryde op 'n streep vandat Unam laas verloor het.FNB Unam: 15 Lorenzo Louis, 14 Silvano Beukes, 13 Lesley Klim, 12 Camlo Martin, 11 Chess Lawrence, 10 Rodney Coetzee, 9 Cameron Klassen, 8 Bradley Klazen (kapt), 7 Freddy Puriza, 6 Rheinhardt Carelse, 5 Mahepisa Tjeriko, 4 Max Katjijeko, 3 Tjino Tjirare, 2 Obert Nortje, 1 Desidarius Sethie.Reserwes: Immanuel Samuel, Frank Mowa, Muniovita Kasiringua, Thomas Kali, Sunday Haitembu, Milaan van Wyk, Donovan Kandjii.Suburbs het laasjaar in die openingsrondte verrassend met 26-20 gewen.

Warm derby-stryde open premierliga

Kommentaar

Republikein 2025-12-19

Meld asseblief aan om kommentaar te lewer

Warm derby-stryde open premierliga

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.