Waqas moker gróót honderdtal in T20

Andrew Poolman – Een ná die ander opponerende spanne van die Zebras-krieketklub begin eerstehands kennis neem van die vernietigende kolfvermoë van Waqas Mohammed.Die 22-jarige aanvangskolwer het Saterdag by Gemsbokpark in Olympia die arme tweede span van Trustco United uitmekaar geslaan in hul Krieket Namibië T20 eersteligabotsing.Teen die tyd dat hy van sy 64ste bal ’n lughou gespeel en van Brendan Britten se boulwerk deur Danie Lusse uitgevang is, het sy kolftotaal reeds op ’n ondenkbare 170 lopies gestaan.Sestien houe van sy kolf het die bal oor die grenstou laat wip en 14 sesse het buite die speelveld te lande gekom.Dié kolfbeurt was moontlik selfs meer verstommend as twee naweke tevore, toe Waqas die Sondagoggend teen Wanderers Platteland ’n haastige 100 nie uit nie (30 balle, 14x4 6x6) behaal het. Teen Wanderers se tweede span die vorige dag was sy bydrae 84 van 51 balle (4x4 7x6).Van sy spanmaats het Saleem Mohammed (36 van 19 balle, 5x4 2x6) en Mohammed Kamran (33 van 12 balle, 1x4 4x6) ook geensins die kolftempo laat verslap nie.Brendan Britten (3/23 in 3 boulbeurte) was United se beste bouler vir die dag, terwyl Ruan Huysamen later in sy enigste boulbeurt met 2/5 weggekom het.Die gasheerspan het in sy kolfaanslag nie juis die mas opgekom nie en is vir 107 almal uitgeboul. Die vernaamste weerstand was Wouter Venter met ’n vyftigtal (51 van 48 balle, 5x4), maar uit die res van die span was daar net twee grenshoue.Die Zebras het met 157 lopies gewen, met Irfan Shah die leier van hul boulaanslag met vier paaltjies vir 12 lopies in sy vier boulbeurte.• Twee opwindende semifinale lê Saterdag vanaf 09:00 in die T20 eersteliga voor.By Affiespark speel WHS Old Boys se tweede span teen hul klubmaats, WHS Vintage.Langsaan by die Wanderersveld sal dié klub se tweede span teen die Zebras opgeweeg word.Die twee wenspanne pak mekaar in die finaal, vanaf 13:30 by Wanderers.

Waqas moker gróót honderdtal in T20

Kommentaar

Republikein 2025-05-05

Meld asseblief aan om kommentaar te lewer

Waqas moker gróót honderdtal in T20

Kommentaar

Republikein 2025-05-05

Meld asseblief aan om kommentaar te lewer

MELD AAN

Advertensie