Wanneer stop die gruwels?
Nie net die Walvisbaaise gemeenskap nie, maar baie mense in Namibië is die naweek geskok deur die nuus oor ’n gewapende rooftog op die woning van die bekende mnr. Hans-Jörg Möller.
Möller, ’n huishoudelike naam in die toerismebedryf, het beswyk aan ’n maagwond wat hy tydens die aanval opgedoen het.
Om net sekere ernstige misdade aan die groot klok te hang, sou nie net verkeerd wees nie, maar sal ’n blinde oog keer op ’n nasionale epidemie – pandemie, sal sommige sê – wat nie berus op oorvereenvoudigde onderskeidings soos klas, ras of herkoms nie.
In sekere kringe het kommentaar deur die publiek op sosiale media oor die nuus van dié rooftog, van ’n totale gebrek aan empatie en selfs aanhitsing gespreek. Soos feitlik altyd is die enkele losbekke wat nie dink voordat hulle opspraak kwytraak nie, gou deur die oorgrote meerderheid meelewende en welwillende Namibiërs voor stok gekry.
In gister se koerant is lesers ook – soos meestal weekliks – gekonfronteer deur berigte oor die verkragting en misbruik van nie minder nie as vier jong dogtertjies in verskillende dele van die land.
Dit is reeds afgesaag, maar verdien herhaling: Die werklike omvang van misdaad in die land is veel, veel erger.
Misdaad raak ons almal, selfs al is van ons gelukkig om nog nie self die slagoffer daarvan te gewees het nie. Dit takel nie net individue, gesinne en families af nie, maar gemeenskappe en nasies se morele weefstof én ekonomieë.
Buiten vir Operasie Omake is verstellings opnuut vanjaar aan besteding in die nasionale begroting gedoen om misdaad beter te bestry.
Die groot vraag is of hierdie ingrypings enigsins werklik help?
So sê ander
20 Junie 2016
Plaas eerder ’n wag voor jou mond
Die gruwelike moord verlede week op ’n Britse parlementslid te midde van ’n steeds emosioneler wordende openbare debat oor die vraag of Brittanje lid van die Europese Unie (EU) moet bly, behoort elke beskaafde gemeenskap tot stilstand te skok.
Brittanje ken ’n tradisie van robuuste debat, maar dié referendumveldtog gaan alle perke te buite. Voor- en teenstanders het mekaar in die openbaar uitgeskel op ’n vlak wat nooit die algemene norm was soos die laaste weke nie.
Woorde is nie dade nie, kan ’n mens sê. Maar woorde kan wel deeglik aanleiding gee tot dade.
In Brittanje self het die moord aanleiding gegee tot intense selfondersoek.
In Suid-Afrika beweeg die openbare debat ook in die rigting van histerie.
Om ’n wag voor jou mond te plaas is nie slegs gesond nie, maar verantwoordelik.
• DIE BURGER (NETWERK24)
Möller, ’n huishoudelike naam in die toerismebedryf, het beswyk aan ’n maagwond wat hy tydens die aanval opgedoen het.
Om net sekere ernstige misdade aan die groot klok te hang, sou nie net verkeerd wees nie, maar sal ’n blinde oog keer op ’n nasionale epidemie – pandemie, sal sommige sê – wat nie berus op oorvereenvoudigde onderskeidings soos klas, ras of herkoms nie.
In sekere kringe het kommentaar deur die publiek op sosiale media oor die nuus van dié rooftog, van ’n totale gebrek aan empatie en selfs aanhitsing gespreek. Soos feitlik altyd is die enkele losbekke wat nie dink voordat hulle opspraak kwytraak nie, gou deur die oorgrote meerderheid meelewende en welwillende Namibiërs voor stok gekry.
In gister se koerant is lesers ook – soos meestal weekliks – gekonfronteer deur berigte oor die verkragting en misbruik van nie minder nie as vier jong dogtertjies in verskillende dele van die land.
Dit is reeds afgesaag, maar verdien herhaling: Die werklike omvang van misdaad in die land is veel, veel erger.
Misdaad raak ons almal, selfs al is van ons gelukkig om nog nie self die slagoffer daarvan te gewees het nie. Dit takel nie net individue, gesinne en families af nie, maar gemeenskappe en nasies se morele weefstof én ekonomieë.
Buiten vir Operasie Omake is verstellings opnuut vanjaar aan besteding in die nasionale begroting gedoen om misdaad beter te bestry.
Die groot vraag is of hierdie ingrypings enigsins werklik help?
So sê ander
20 Junie 2016
Plaas eerder ’n wag voor jou mond
Die gruwelike moord verlede week op ’n Britse parlementslid te midde van ’n steeds emosioneler wordende openbare debat oor die vraag of Brittanje lid van die Europese Unie (EU) moet bly, behoort elke beskaafde gemeenskap tot stilstand te skok.
Brittanje ken ’n tradisie van robuuste debat, maar dié referendumveldtog gaan alle perke te buite. Voor- en teenstanders het mekaar in die openbaar uitgeskel op ’n vlak wat nooit die algemene norm was soos die laaste weke nie.
Woorde is nie dade nie, kan ’n mens sê. Maar woorde kan wel deeglik aanleiding gee tot dade.
In Brittanje self het die moord aanleiding gegee tot intense selfondersoek.
In Suid-Afrika beweeg die openbare debat ook in die rigting van histerie.
Om ’n wag voor jou mond te plaas is nie slegs gesond nie, maar verantwoordelik.
• DIE BURGER (NETWERK24)
Kommentaar
Republikein
Geen kommentaar is op hierdie artikel gelaat nie