Wanderers het steeds skietgoed teen United

Soos oudergewoonte dié tyd van die jaar, vind die jaarlikse derby tussen Wanderers en United ook op die krieketveld plaas. Weens onbeskikbaarheid van velde vind die T20-derby by United gespeel, en nie by Wanderers wat vanjaar die derby aanbied nie. Die wedstryd dien ook as 'n ligawedstryd in die Three Ships Whisky T20 premierliga; dus is baie op die spel. Wanderers is die verdedigende kampioen en het 2016 se derby lag-lag ingepalm.Met die nasionale span uitstedig en 'n klompie van Wanderers se sterre dus nie beskikbaar nie (Gerrie Snyman, LP van der Westhuizen, Bernard Scholtz, JJ Smit en Xander Pitchers), kan die naweek taaier kompetisie bied as tevore. Wanderers I: Nicolaas Scholtz (kapt), Stephan Swanepoel, Gerhard Lötter, Pieter Rossouw, Hendrik Geldenhuys, Jan-Izak de Villiers, Lloyd Mills, Tershwin Raubenheimer, Pieter van Niekerk, Tiaan Louw, Niel Rossouw.United I: Henry Hayes, Juan Binneman, Louis Vermaak, Hendrik van der Walt, Darren van Dyk, Luan Reinders, Dixon Vambe, Wouter Venter, Johan Geldenhuys, Damon Coetzee, Dewald Nel, Heinrich Visser.• Wanderers se tweede span takel môre die WHS Old Boys Vintage (vierde span) in die Three Ships Whisky eersteliga-finaal oor 40 boulbeurte per span. Die wedstryd begin om 13:00 by CCD se veld.WHS Old Boys Vintage se span, onder sy kaptein Nick Buys, het nog ook net een wedstryd verloor teen einste Wanderers in die groepfase. Wanderers II, die verdedigende kampioen onder die leierskap van Michael Durandt, het ook dié seisoen nog net in een wedstryd tweede gekom. Wanderers II se span:Michael Durandt (kapt), Wessel Myburgh, Tiaan Gerber, Sharon Rossouw, Braam van Niekerk, Christo Greeff, Claude Bouwer, Danie Stassen, Jano Dreyer, Ulrich Richter, Morne Gouws.• Die wedstryd môre by CCD word voorafgegaan deur die tweedeliga-eindstryd tussen Otjiwarongo en Mariental II om 08:00.

Wanderers het steeds skietgoed teen United

Kommentaar

Republikein 2025-11-05

Meld asseblief aan om kommentaar te lewer

Wanderers het steeds skietgoed teen United

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.