Waghond draai skroewe vas vir Gupta-banke

Niel JoubertDie Organisasie teen Belastingmisbruik (Outa) in Suid-Afrika wil die krane vir die Guptas toedraai deur op te tree teen die familie se banke vir die nie-nakoming van bankwette.Die banke is Bank of Baroda en State Bank of India, sê Outa.“Ons het bewyse versamel om op te tree teen hierdie banke en het dit aan die registrateur van banke en die Finansiële Intelligensiesentrum (FIS) oorhandig,” sê Ben Theron, bedryfshoof van Outa.“Ons wil hê die owerhede moet optree om te verseker dat die Bank of Baroda en Bank of India alle sake met die Guptas stop en hul lisensies om in Suid-Afrika handel te dryf, terugtrek.”In Augustus 2016 het die FIS 72 verdagte transaksies gelys wat gekoppel was aan Gupta-bankrekeninge en wat tussen Desember 2012 en Junie 2016 plaasgevind het. Sowat R6,84 miljard was betrokke en verskeie banke het gevolglik die rekeninge wat aan die Guptas verwant was, gesluit.Outa se ondersoek het bevind dat daar verdagte finansiële transaksies voor dié wat deur die FIS bekend gemaak is, plaasgevind het en so ver terug as 2002.“Ons het gevind dat die ondernemings met Gupta-bande eiendomme gekoop het oor meer as 'n dekade vir 'n totaal van R245 miljoen – meer as R50 miljoen is in kontant betaal – maar in staat was om verbande op hierdie eiendomme te kry van sowat R1 miljard, 'n bedrag wat die waarde van die eiendomme ver oorskry,” sê Theron.“Die Bank of Baroda het verbande ter waarde van R811 miljoen toegestaan en die Bank of India het verbande van R176 miljoen toegestaan; die oorblywende R11 miljoen het van FirstRand gekom.”Theron sê dit is veral die transaksies wat gekoppel is aan die Bank of Baroda en die Bank of India wat “problematies” is en dit wil voorkom of sommige van die eiendomme “buitensporige waardasies” gehad het.Volgens Outa het 'n Gupta-maatskappy, Islandsite 180, byvoorbeeld twee woonstelle in 2006 in Kaapstad vir R2,8 miljoen elk gekoop. Twee jaar later het die Bank of India verbandlenings van R24 miljoen op elke woonstel toegestaan, wat 8,5 keer meer is as die koopprys.'n Ander Gupta-maatskappy, Confident Concept, het 'n plaas in Mpumalanga vir R40 miljoen gekoop. 'n Jaar later het die Bank of Baroda 'n verband van R426 miljoen toegestaan, wat meer as tien keer die koopprys is.Volgens Outa is hierdie verbande blykbaar steeds aktief.– Netwerk24

Waghond draai skroewe vas vir Gupta-banke

Kommentaar

Republikein 2025-05-23

Meld asseblief aan om kommentaar te lewer

Waghond draai skroewe vas vir Gupta-banke

Kommentaar

Republikein 2025-05-23

Meld asseblief aan om kommentaar te lewer

MELD AAN

Advertensie