Waar is die spaarbande?

Vir baie Namibiërs voel dit of die pad van talle landsake al hoer meer sinkplaat raak.Goeie raad voor enige reis is om jou voertuig se spaarband na te gaan. (Die noodwiel pas binne-in die band.) Maar as ‘n mens dag in en uit baie van die plaaslike nuus lees, blyk dit daar is in gevalle nòg spaarband, nòg noodwiel.Goeie nuus, wat die rit draagliker sal maak, is min. As die media blind vir die positiewe is, laat die owerhede meer daarvan tentoonstel.Enkele nuusgrepe uit die afgelope week:By ‘n oorvol skool in Rundu se Ndama-buurt is daar 114 leerlinge in een klas omdat daar net een onderwyser vir Rumanyo is. Toilette hier word net in werklike noodgevalle oopgesluit omdat die septiese tenk andersins binne een dag sal volloop.Naby Kombat staan klaskamers en woonkwartiere vir onderwysers op die Neu Sommerau-hervestigingsplaas al vir drie jaar leeg omdat water en elektrisiteit nog nie aangelê is nie.Op Omungwelume woon byna 100 kinders, blykbaar meestal sonder toesig, in ‘n huis sonder water weens ‘n gebrek aan ‘n skoolkoshuis. Op baie plekke in die Noorde moet ouers ten duurste vir private verblyf vir hul kinders betaal sodat hulle kan skoolgaan.En dis nie net onderwys nie. Tseiblaagte, op Keetmanshoop, wag al drie jaar vir hul eie polisiestasie.Duidelik word nie genoeg besuinig waar die land kan, om deur goeie beplanning hordes skete stelselmatig te voorkom – of uit te skakel sodra dit geïdentifiseer word nie.Min uitkoms word in volgende week se hernude resessiebegroting verwag.So sê ander13 Maart 2019Beeld en Volksblad sêDie allemintige kragtariefverhoging van 9,4% wat verbruikers teen Julie tref, is ’n harde slag vir huishoudings en ondernemings.By dié tariefverhogings van 9,4% wat die Nasionale Energiereguleerder (Nersa) verlede week aan Eskom toegestaan het moet 4,4% getel word – ’n totale styging van 13,8%.Wat ook nog nie ingereken is nie, is moontlike verhogings wat munisipaliteite kan byvoeg. Boonop gaan die uitwerking oor verskeie jare heen gevoel word, in ag genome dat Nersa ook verhogings van 8,1% vir 2020 en van 5,2% in 2021 goedgekeur het.Dat Eskom daarsonder besmoontlik nie kop bo water kan hou nie, is geen troos nie omdat die verhoging genoodsaak is deur grootskaalse wanbestuur en staatskaping in die Zupta-era.Intussen bevind Eskom hom in ’n bose kringloop. Enersyds lewer hy swak diens teen stygende tariewe. Andersyds is daar goedkoper alternatiewe, wat meebring dat al hoe meer kliënte hulle na sonkrag en ander vorme van hernubare energie wend.’n Oop kragmark is dringend nodig waar dit munisipaliteite, nywerhede en huishoudings vry staan om krag te koop van wie dit ook al die beste en goedkoopste kan lewer. Dis hoe dinge hoort in ’n markekonomie, veral in een waar die hernubare-energie-bedryf self ’n sterk bron van ekonomiese groei kan wees. Gebruik dus dié geleentheid nóú eerder as wat ons onbeholpe kragverskaffer voortdurend ’n remskoen vir ekonomiese groei bly.• BEELD/VOLKSBLAD (NETWERK24)

Waar is die spaarbande?

Kommentaar

Republikein 2025-06-17

Meld asseblief aan om kommentaar te lewer

Waar is die spaarbande?

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie