Waak teen kitsrykdom
Lesers het wyd reageer op gister se voorbladberig dat mnr. Refiloe Wayne Nkele glo sy omstrede kriptogeldeenheid Pipcoin in Namibië wil kom bemark.
Dié jong man, met sy voorliefde vir swier, het reeds na bewering N$200 miljoen van beleggers ontvang in ruil vir sy beloofde maandelikse opbrengste van 'n asembenemende 35%.
Uit een oord is selfs gekla dat so iemand nie voorbladblootstelling verdien nie en dat die koerant oningeligtes in die versoeking lei om hul geld op die skema te waag. Kenners reken Pipcoin is 'n bedrogspul en hierdie en ander waarskuwings is glashelder in beriggewing gekommunikeer.
Republikein neem allermins risiko's ligtelik op en is seker ons owerhede sal Ref Wayne fyn dophou.
'n Moet-lees mening oor kubergeld is die Britse koerant, The Guardian, se onlangs hoofartikel “A greater fool's gold”. Kriptogeldhandelaars sal dalk nie van dié baie konserwatiewe mening hou nie.
Dit verbind die belangstelling in kriptogeld met die universele menslike strewe (of swakheid) om oornag ryk te word.
Buiten vir moontlike bymotiewe met die hang van sulke wortels voor Jan en San Alleman se neuse, wys kenners op aanlyn sekuriteitsgevare. Teenstanders se mening is in kort dat internasionale en nasionale bankstelsels, gebaseer op “harde kontant”, vir baie lank die veiligste belegging gaan bly.
Opvoeding en bewustheid oor kriptogeldeenhede en die werking daarvan is vandag van groot belang.
So sê ander
31 Januarie 2018
Beeld, Die Burger en Volksblad sê
Suid-Afrikaners moet bekommerd wees oor die aanrollende Dag Zero vir watervoorsiening wat volgens alle aanduidings reeds oor net meer as 'n maand in die Oos-Kaap kan begin en net 'n maand later in die Wes-Kaap.
Maar selfs in die sentrale dele, wat steeds steier onder die laaste paar jaar se droogte, en die Noorde kan niemand ontspan oor die watersituasie nie.
Intussen het die regering darem die insig gekry om as voorkeurstap die lekkende waterpype in die land, waardeur meer as 'n derde van alle munisipale water verlore gaan, te herstel.
Dit is egter nie genoeg nie.
'n Reuse-onus rus op gewone landsburgers om anders te begin dink en leef oor water.
Die scenario's wat nou reeds deur sommige kenners voorgehou word, is werklik angswekkend.
Sterk optrede van regeringskant en verantwoordelike waterbestuur deur gewone mense het onvermydelik geword.• NETWERK24
Dié jong man, met sy voorliefde vir swier, het reeds na bewering N$200 miljoen van beleggers ontvang in ruil vir sy beloofde maandelikse opbrengste van 'n asembenemende 35%.
Uit een oord is selfs gekla dat so iemand nie voorbladblootstelling verdien nie en dat die koerant oningeligtes in die versoeking lei om hul geld op die skema te waag. Kenners reken Pipcoin is 'n bedrogspul en hierdie en ander waarskuwings is glashelder in beriggewing gekommunikeer.
Republikein neem allermins risiko's ligtelik op en is seker ons owerhede sal Ref Wayne fyn dophou.
'n Moet-lees mening oor kubergeld is die Britse koerant, The Guardian, se onlangs hoofartikel “A greater fool's gold”. Kriptogeldhandelaars sal dalk nie van dié baie konserwatiewe mening hou nie.
Dit verbind die belangstelling in kriptogeld met die universele menslike strewe (of swakheid) om oornag ryk te word.
Buiten vir moontlike bymotiewe met die hang van sulke wortels voor Jan en San Alleman se neuse, wys kenners op aanlyn sekuriteitsgevare. Teenstanders se mening is in kort dat internasionale en nasionale bankstelsels, gebaseer op “harde kontant”, vir baie lank die veiligste belegging gaan bly.
Opvoeding en bewustheid oor kriptogeldeenhede en die werking daarvan is vandag van groot belang.
So sê ander
31 Januarie 2018
Beeld, Die Burger en Volksblad sê
Suid-Afrikaners moet bekommerd wees oor die aanrollende Dag Zero vir watervoorsiening wat volgens alle aanduidings reeds oor net meer as 'n maand in die Oos-Kaap kan begin en net 'n maand later in die Wes-Kaap.
Maar selfs in die sentrale dele, wat steeds steier onder die laaste paar jaar se droogte, en die Noorde kan niemand ontspan oor die watersituasie nie.
Intussen het die regering darem die insig gekry om as voorkeurstap die lekkende waterpype in die land, waardeur meer as 'n derde van alle munisipale water verlore gaan, te herstel.
Dit is egter nie genoeg nie.
'n Reuse-onus rus op gewone landsburgers om anders te begin dink en leef oor water.
Die scenario's wat nou reeds deur sommige kenners voorgehou word, is werklik angswekkend.
Sterk optrede van regeringskant en verantwoordelike waterbestuur deur gewone mense het onvermydelik geword.• NETWERK24
Kommentaar
Republikein
Geen kommentaar is op hierdie artikel gelaat nie