Vyftienjarige steek pa glo dood

Denver Kisting 'n Tiener is sedert gisteroggend in aanhouding op Mariental nadat hy glo sy pa doodgesteek het.Adj.komm. Eric Clay, die misdaadkoördineerder in die Hardapstreek, het gister gesê die tragedie het hom Maandag omstreeks 16:30 in die Aimablaagte-woonbuurt op dié dorp afgespeel.“Daar word beweer die biologiese seun het sy pa met 'n skerp voorwerp in die bors gesteek,” het Clay gesê.seun verskyn vandagVolgens die senior polisiebeampte is die besonderhede rondom die rusie, wat glo tot die voorval aanleiding gegee het, nie duidelik nie.Nadat die seun sy pa, 'n munisipale werknemer, glo gesteek het, het die tiener na bewering op die vlug geslaan.Hy is eers gisteroggend in hegtenis geneem.Hoewel die 38-jarige oorledene se naasbestaandes reeds van sy dood in kennis gestel is, word sy naam nie bekend gemaak nie om die minderjarige verdagte se identiteit te beskerm.Die man is na die hospitaal gehaas, maar is by aankoms dood verklaar.Sy seun sal na verwagting vandag in die landdroshof op Mariental op aanklag van moord verskyn.Clay sê die polisieondersoek duur voort.Intussen het 'n familielid, wat ook 'n oudminister is, gister gesê: “Dit is baie traumaties vir ons.”Republikein verswyg ook die oudminister se naam om die minderjarige verdagte te beskerm.

Vyftienjarige steek pa glo dood

Kommentaar

Republikein 2025-06-26

Meld asseblief aan om kommentaar te lewer

Vyftienjarige steek pa glo dood

Kommentaar

Republikein 2025-06-26

Meld asseblief aan om kommentaar te lewer

MELD AAN

Advertensie