Vyf vas ná damramp in Brasilië

Drie werknemers van die Vale mynmaatskappy en twee gesubkontrakteerde ingenieurs is Dinsdag in hegtenis geneem in verband met die damwal wat onlangs in Brumadinho in Brasilië meegegee het.The Guardian berig dat die dam Vrydag by ’n ysterertsmyn meegegee en tot die dood van minstens 65 mense gelei het. ’n Verdere 279 mense word nog vermis. Hartseer het in woede omgesit toe besef is dat die honderde wat nog vermis word, moontlik nie lewend gevind gaan word nie.Die inhegtenisnemings is Dinsdag in São Paulo en Belo Horizonte uitgevoer en die Vale-kantore in Nova Lima is deur die polisie deursoek.’n Maatskappy in São Paulo wat dienste aan Vale verskaf is ook deur die owerhede deursoek. ’n Nuusblad, G1, identifiseer die ingenieurs wat in hegtenis geneem is as Makoto Namba en André Yum Yassuda. Dié webblad beweer dat Namba, ’n siviele ingenieur en geo-tegnikus, ’n ondertekenaar was van ’n deklarasie van stabiliteit in September verlede jaar.KAFETERIA ONDER MODDERDie New York Times berig dat Vale se administratiewe geboue en kafeteria ook onder ’n see van modder bedek is toe die dam verlede week meegegee het. Volgens die Brasiliaanse federale en staatsaanklaers is die inhegtenisnemings daarop gemik om ondersoek in te stel na wie verantwoordelik was vir die ineenstorting van die dam. Ondersoekbeamptes fokus op individue wat met die veiligheid-en-omgewingsopname werk en wat die dam tot nog onlangs toe as “stabiel” bestempel het.In reaksie op die inhegtenisnemings in Brasilië het Vale Dinsdag op Twitter gesê dat die maatskappy sy volle samewerking aan die owerhede gee. “Vale sal voortgaan om die ondersoek te ondersteun sodat die feite bepaal word as bykomend tot ons onvoorwaardelike ondersteuning aan al die families.” Die aandele van Vale, die wêreld se grootste ystererts-en-nikkelprodusent, het Maandag met 24,5% geval en byna US$19 miljard in markkapitalisasie uitgewis.HARMONY-GOUDMYN’n Soortgelyke ramp het Suid-Afrika in Februarie 1994 getref toe ’n slikdam van die Harmony-goudmyn by Virginia gebreek het en ’n vloed van slik die woonbuurt Merriespruit getref het. Altesaam 17 mense het gesterf. – Netwerk24

Vyf vas ná damramp in Brasilië

Kommentaar

Republikein 2026-01-20

Meld asseblief aan om kommentaar te lewer

Vyf vas ná damramp in Brasilië

Kommentaar

Republikein 2026-01-20

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.