Vyf sake teen NDF ná ‘weidingsgeweld’
Die meeste boere wat ’n weermagplaas by Karibib onwettig beset het, swerf nou elders met hul diere.
Ronelle Rademeyer - Terwyl die meeste onwettige besetters teen Vrydag met hul maer vee van die weermag se plaas, Etiro, by Karibib, padgegee het, het die staatshoof nie ver daarvandaan nie plase besoek om die impak van die droogte te bepaal.
Pres. Hage Geingob het as deel van sy toer deur die streke besoek aan die plase Ohambo by Kalkfeld en Nevada noord van Otjiwarongo afgelê.
Komm. Andreas Nelumbu, hoof van die polisie in die Erongostreek, het gister by navraag gesê net enkele kommunale boere van die Otjohorongo-gemeenskap by Karibib, wat onwettig met hul vee op Etiro gewei het, is nog in die gebied oor.
“Hulle maak nog hul vee in die veld bymekaar en dan sal hulle ook die weermag se plaas verlaat,” het hy na aanleiding van die gebeure Donderdagoggend op dié plaas gesê toe lede van die NDF na bewering van die betreders aangerand het.
Nelumbu sê vyf sake van aanranding is intussen by die polisie op Karibib teen die weermag aanhangig gemaak. Volgens hom toon die polisie se ondersoek na die gebeure 13 mense is glo aangerand.
Volgens lt.kol. Petrus Shilumbu, woordvoerder van die NDF, het die boere sowat twee maande gelede met hul vee na die gebied tussen Kranzberg en Karibib by plaas Etiro getrek en woonstrukture en krale opgerig.
Hy sê die besetting van die gebied was nie ’n probleem nie tot die boere in die nag begin het om Etiro se grensdraad te laat sak en hul vee in te jaag om op dié plaas te wei.
Shilumbu het in ’n verklaring ontken die NDF het tydens ’n vergadering Donderdag met die boere gewelddadig opgetree.
Trouens, hy beweer die NDF-lede moes hulle inhou toe die boere hulle in kru taal allerhande beledigings toegesnou het.
Hy voer verder aan die teenwoordigheid van die amptelike opposisieleier, mnr. McHenry Venaani, het die boere “aangespoor om hulle swak te gedra”.
“Die weermaglede is redelike mense en begryp die negatiewe impak van die droogtesituasie,” sê hy, maar voeg by die weermag sal nie die onwettige besetting van sy grond duld nie.
KALKFELD
Intussen het boere op plaas Ohamo sowat 130 km van hierdie weermagplaas af Vrydag by Geingob vir die beskikbaarstelling van veevoer en die rehabilitasie van hul boorgate gepleit.
Hierdie hervestigingsboere het die staatshoof en sy afvaardiging meegedeel hulle het reeds die helfte van hul vee verloor.
Die 74-jarige mnr. Gerhard Ndivanga het volgens Nampa aan Geingob gesê dit is asof hy en sy vee van Desember verlede jaar af in die intensiewesorgeenheid is en dat sy besoek hoop vir hulle gebring het.
Geingob sit vandeesweek sy toer voort en sal môreoggend om 08:00 met Stampriet se mense vergader, waarná hy om 10:00 die gemeenskap van Mariental sal ontmoet.
Pres. Hage Geingob het as deel van sy toer deur die streke besoek aan die plase Ohambo by Kalkfeld en Nevada noord van Otjiwarongo afgelê.
Komm. Andreas Nelumbu, hoof van die polisie in die Erongostreek, het gister by navraag gesê net enkele kommunale boere van die Otjohorongo-gemeenskap by Karibib, wat onwettig met hul vee op Etiro gewei het, is nog in die gebied oor.
“Hulle maak nog hul vee in die veld bymekaar en dan sal hulle ook die weermag se plaas verlaat,” het hy na aanleiding van die gebeure Donderdagoggend op dié plaas gesê toe lede van die NDF na bewering van die betreders aangerand het.
Nelumbu sê vyf sake van aanranding is intussen by die polisie op Karibib teen die weermag aanhangig gemaak. Volgens hom toon die polisie se ondersoek na die gebeure 13 mense is glo aangerand.
Volgens lt.kol. Petrus Shilumbu, woordvoerder van die NDF, het die boere sowat twee maande gelede met hul vee na die gebied tussen Kranzberg en Karibib by plaas Etiro getrek en woonstrukture en krale opgerig.
Hy sê die besetting van die gebied was nie ’n probleem nie tot die boere in die nag begin het om Etiro se grensdraad te laat sak en hul vee in te jaag om op dié plaas te wei.
Shilumbu het in ’n verklaring ontken die NDF het tydens ’n vergadering Donderdag met die boere gewelddadig opgetree.
Trouens, hy beweer die NDF-lede moes hulle inhou toe die boere hulle in kru taal allerhande beledigings toegesnou het.
Hy voer verder aan die teenwoordigheid van die amptelike opposisieleier, mnr. McHenry Venaani, het die boere “aangespoor om hulle swak te gedra”.
“Die weermaglede is redelike mense en begryp die negatiewe impak van die droogtesituasie,” sê hy, maar voeg by die weermag sal nie die onwettige besetting van sy grond duld nie.
KALKFELD
Intussen het boere op plaas Ohamo sowat 130 km van hierdie weermagplaas af Vrydag by Geingob vir die beskikbaarstelling van veevoer en die rehabilitasie van hul boorgate gepleit.
Hierdie hervestigingsboere het die staatshoof en sy afvaardiging meegedeel hulle het reeds die helfte van hul vee verloor.
Die 74-jarige mnr. Gerhard Ndivanga het volgens Nampa aan Geingob gesê dit is asof hy en sy vee van Desember verlede jaar af in die intensiewesorgeenheid is en dat sy besoek hoop vir hulle gebring het.
Geingob sit vandeesweek sy toer voort en sal môreoggend om 08:00 met Stampriet se mense vergader, waarná hy om 10:00 die gemeenskap van Mariental sal ontmoet.
Kommentaar
Republikein
Geen kommentaar is op hierdie artikel gelaat nie