Vuiste klap in Olympia

Die Vuisbalvereniging van Namibië (FAN) se nuwe seisoen in die Bank Windhoek-liga skop môre by die Cohen-klub in Olympia af.Die openingswedstryde sal môreoggend vroeg (08:30) vir die FAN bekertoernooi afslaan.Sewe spanne sal aan dié kompetisie deelneem. Hulle is volgens hul plasings by die vorige nasionale toernooi in twee groepe verdeel om vir die toplouere te kompeteer.Sportklub Windhoek 1 (SKW) sal teen Swakopmund-vuisbalklub 1 (SFC) en SFC Old Boys in groep A te staan kom. In groep B sal twee spanne van Cohen, asook SFC 2 en SKW 2 hul aanslag op die beker begin.Helmo Minz, skakelbeampte van die NFA, sê ná 'n teleurstellende 2020 bied 2021 'n welkome vars briesie.“Die spelers se afwagting vir die seisoen om te begin, is groot, want verlede jaar kon die kampioenskap weens Covid-19-inperkings nie plaasvind nie.“Ons sal elke Covid-maatreël nakom en die klubs en spelers is gereed om hul beste die komende seisoen te lewer,” het Minz gesê.Al die wedstryde sal oor drie stelle beslis word en elke stel wat gewen word, tel 'n punt in die rondomtalie-groepronde. Ná die rondomtalie-ronde sal die voorste twee spanne in elke groep in die A-afdeling speel, terwyl die derde en vierde geplaaste spanne sake in die B-afdeling uitspook.

Vuiste klap in Olympia

Kommentaar

Republikein 2025-11-05

Meld asseblief aan om kommentaar te lewer

Vuiste klap in Olympia

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.