'VSA op koers na Derde Wêreldoorlog'

‘n Top- Republikeinse wetgewer het Sondag gewaarsku dat Amerika se pres. Donald Trump se impulsiewe dreigemente teen ander lande Amerika “op koers na die Derde Wêreldoorlog” plaas.Die opmerkings volg ná ‘n buitengewone vyandige en openbare vete tussen die twee op sosiale media.Sen. Bob Corker, die voorsitter van die senaat se komitee belas met buitelandse sake, het teen die president uitgevaar omdat hy sy kantoor soos ‘n “realiteitsprogram” bestuur. Dit is die striemendste aanval op ‘n president van sy eie party en is veral merkwaardig met inagneming van die Trump-administrasie se veglustige standaarde.Die openbare onderonsie tussen die voormalige bondgenote kan ook Trump se wetgewende agenda ondermyn, met Corker se stem wat noodsaaklik is om die lot van die Iranse kernooreenkoms en belastinghervormings deur te voer."Hy bekommer my," het Corker aan The New York Times gesê. "Hy sal enige iemand bekommerd maak dat omgee vir ons nasie."Die drama het Sondagoggend begin toe Trump getwiet het dat Corker besluit het om hom nie weer verkiesbaar te stel nie omdat hy nie die moed (“guts”) het nie, waarop Corker gereageer het dat die Withuis ‘n "dagmoedersentrum vir volwassenes” geword het.Corker, ‘n gerespekteerde gematigde wat Trump vantevore ondersteun het, het in onlangse maande een van die president se mees uitgesproke Republikeinse kritici geword.Hy het onlangs gesê net die teenwoordigheid van die generaals in Trump se binnekring verhoed dat die Withuis in “chaos” verval. – Nampa/AFP

'VSA op koers na Derde Wêreldoorlog'

Kommentaar

Republikein 2026-02-27

Meld asseblief aan om kommentaar te lewer

'VSA op koers na Derde Wêreldoorlog'

Kommentaar

Republikein 2026-02-27

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.