VSA gee opleiding in stryd teen wildmisdaad
Wetstoepassers en natuurbewaarders word opgelei om misdaadtonele te ondersoek en af te handel, asook om bewyse te hanteer wat met wildmisdaad verband hou.
Francoise Steynberg
Die Amerikaanse ambassade, in samewerking met die Amerikaanse Vis- en Wildlewedienste (USFWS), sal vandeesweek Namibiese wetstoepassers en natuurbewaarders in die ondersoek van wildmisdaadtonele oplei.
Die week lange opleidingskursus het Maandag in die hoofstad afgeskop, waartydens lede van die teenstropingseenheid van die Namibiese polisie en die ministerie van die omgewing en toerisme ook van gevorderde ondersoektoerusting voorsien is.
Hulle word opgelei om misdaadtonele te ondersoek en af te handel, asook om bewyse te hanteer wat met wildmisdaad verband hou.
Lt.genl. Sebastian Ndeitunga, Namibië se polisiehoof, het in 'n toespraak wat namens hom gelees is, gesê die kursus vind op die regte tyd plaas, aangesien wildstropery in die land floreer.
“Die opleiding sal hulle in staat stel om bewyse van misdaadtonele doeltreffend bymekaar te maak en om sake deeglik te ondersoek om die suksesvolle vervolging en skuldigbevinding van oortreders te verseker,” het hy gesê.
Ndeitunga meen die kursus sal lede met die nodige kennis toerus om Namibiese wildlewe te beskerm.
Hy het gesê die tweede kursus sal deur lede bygewoon word wat in gebiede werksaam is wat deur wildmisdaad geraak word.
“Hulle kom gewoonlik eerste op karkasse af. Dit is belangrik dat hulle opgelei en toegerus is om nie bewyse op die misdaadtoneel te versteur of te vernietig voor die speurders en ondersoekbeamptes op die toneel is nie.”
Me. Lisa Johnson, Amerika se ambassadeur in Namibië, het gesê wildmisdaad bedreig Namibië se veiligheid, ekonomiese vooruitgang en langdurige bewaringspogings.
“Wildsmokkelary lei ook tot ander oorgrensmisdaad soos die smokkel van ander onwettige goedere. Dit bied ook onwettige inkomste aan 'n wyer verskeidenheid misdadige ondernemings,” het Johnson gesê.
“Namibië is 'n wêreldleier op die gebied van bewaring en wildbeskerming. Amerika is beïndruk met hoe Namibië wildmisdaad beveg - veral nadat renosterstropery verlede jaar afgeneem het.”
Johnson het gesê Amerika sal bande met Namibië behou en sien uit daarna om die vennootskap voort te sit.
“Saam kan ons Namibië 'n onvriendelike omgewing vir misdadigers maak.”
Die Amerikaanse ambassade, in samewerking met die Amerikaanse Vis- en Wildlewedienste (USFWS), sal vandeesweek Namibiese wetstoepassers en natuurbewaarders in die ondersoek van wildmisdaadtonele oplei.
Die week lange opleidingskursus het Maandag in die hoofstad afgeskop, waartydens lede van die teenstropingseenheid van die Namibiese polisie en die ministerie van die omgewing en toerisme ook van gevorderde ondersoektoerusting voorsien is.
Hulle word opgelei om misdaadtonele te ondersoek en af te handel, asook om bewyse te hanteer wat met wildmisdaad verband hou.
Lt.genl. Sebastian Ndeitunga, Namibië se polisiehoof, het in 'n toespraak wat namens hom gelees is, gesê die kursus vind op die regte tyd plaas, aangesien wildstropery in die land floreer.
“Die opleiding sal hulle in staat stel om bewyse van misdaadtonele doeltreffend bymekaar te maak en om sake deeglik te ondersoek om die suksesvolle vervolging en skuldigbevinding van oortreders te verseker,” het hy gesê.
Ndeitunga meen die kursus sal lede met die nodige kennis toerus om Namibiese wildlewe te beskerm.
Hy het gesê die tweede kursus sal deur lede bygewoon word wat in gebiede werksaam is wat deur wildmisdaad geraak word.
“Hulle kom gewoonlik eerste op karkasse af. Dit is belangrik dat hulle opgelei en toegerus is om nie bewyse op die misdaadtoneel te versteur of te vernietig voor die speurders en ondersoekbeamptes op die toneel is nie.”
Me. Lisa Johnson, Amerika se ambassadeur in Namibië, het gesê wildmisdaad bedreig Namibië se veiligheid, ekonomiese vooruitgang en langdurige bewaringspogings.
“Wildsmokkelary lei ook tot ander oorgrensmisdaad soos die smokkel van ander onwettige goedere. Dit bied ook onwettige inkomste aan 'n wyer verskeidenheid misdadige ondernemings,” het Johnson gesê.
“Namibië is 'n wêreldleier op die gebied van bewaring en wildbeskerming. Amerika is beïndruk met hoe Namibië wildmisdaad beveg - veral nadat renosterstropery verlede jaar afgeneem het.”
Johnson het gesê Amerika sal bande met Namibië behou en sien uit daarna om die vennootskap voort te sit.
“Saam kan ons Namibië 'n onvriendelike omgewing vir misdadigers maak.”
Kommentaar
Republikein
Geen kommentaar is op hierdie artikel gelaat nie