Vrouespan in opwarmreeks teen Zambië

Hokkie

18 April 2019 | Sport
Andrew Poolman - Namibië se senior vrouehokkiespan takel die besoekende Zambië in 'n reeks van drie toetse in Windhoek komende naweek.

Standard Bank Namibia is met $52 500 die hoofborg vir die reeks.

Dit word gespeel op die Davin Trustco-hokkiebaan by Windhoek Hoërskool, met die eerste twee toetse Saterdag en Sondag (beide dae om 17:00), voor die laaste toets Maandag om 09:00 begin.

Volgens die nasionale afrigter, Erwin Handura, is die Zambië-reeks 'n belangrike voorbereiding vir die Olimpiese kwalifiserende toernooi van 19 tot 27 Junie in Valencia, Spanje.

In Valencia sal Namibië teen van die wêreld se topspanne soos Spanje, Belo-Rusland, Italië, Kanada, Suid-Afrika, Thailand en Wallis opgeweeg word, met twee Olimpiese plekke op die spel. 'n Tweede kans vir Olimpiese kwalifisering sal in Augustus by die Afrika-kampioenskap voorlê.

“Die reeks teen Zambië is van kritieke belang vir ons voorbereiding vir die Olimpiese uitduntoernooi. Ons is reeds sedert die Onafhanklikheidsnaweek in 'n oefenkamp en is baie dankbaar teenoor Standard Bank vir hul ondersteuning,” het hy gesê.

Namibië sal die reeks as die gunsteling begin, hoewel Zambië sterk opposisie behoort te bied.

Die twee vrouespanne het laas in Desember tydens 'n toernooi in Zimbabwe ontmoet, waar Namibië die toernooi gewen het nadat hulle Zambië met 3-0 en daarna vir Zimbabwe in die eindstryd met 1-0 geklop het.

Dit het tot gevolg gehad dat Namibië 18 plekke op die wêreldranglys tot 42ste geklim het. Dit plaas hulle derde in Afrika ná Suid-Afrika (15de ter wêreld) en Ghana (32ste).

Zambië volg 30 plekke ná Namibië in die 72ste posisie ter wêreld en negende in Afrika.

Handura sê egter die Namibiërs verwag 'n taai reeks.

“Zambië het 'n jong, ontluikende span; hulle is fiks en deins nie terug vir fisieke spel nie. Hulle het 'n sterk liga met agt spanne, dus ons kan 'n harde kompetisie verwag. In die laaste ontmoeting het ons hulle geklop, maar Zambië het ook met Zimbabwe afgereken. Ons kan hulle dus nie onderskat nie,” het hy gesê.

Namibië se mees ervare internasionale hokkiespeler, Maggy Mengo, is weer die spankaptein, met nog van haar spanmaats wat Namibië by die 2018 Binnenshuise Wêreldbeker verteenwoordig het, soos beide doelwagters Petro Stoffberg en Berencia Diamond, Gillian Hermanus, Sunelle Ludwig en Kiana Cormack, algehele voorste doelskieter in die toernooi.

Benewens die kerngroep is daar ook ontluikende talent soos Celé Wessels, Tara Myburgh en Danja Meyer wat verlede jaar by die 2018 Olimpiese Jeugspele in Argentinië gespeel het.

Die Namibiese spelersgroep: Maggy Mengo (kaptein), Petro Stoffberg (doelwagter), Sunelle Ludwig, Duré Boshoff, Zaan-Marie Niemand, Jahntwa Kruger, Celé Wessels, Danja Meyer, Tara Myburgh, Jerrica Cormack, Gillian Hermanus, Kiana-Ché Cormack, Berencia Diamond, Emilia Kashopola, Amber Dercksen, Joané van Rooyen en Jivanka Kruger.

Die afrigterspan is Erwin Handura en Randy Slabbert (hulpafrigter), bygestaan deur dr. Rachel Freeman (spanbestuurder), Manuel Carballo (fiksheidsafrigter) en Maryke Short (video-ontleder).

Soortgelyk

 

B-dag: Maak of breek

6 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

6 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

6 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

6 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

6 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

6 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

6 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

6 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

6 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...