Vrouespan bestyg toptien ter wêreld
Die nasionale vrouespan se prestasies in die binnenshuise spel is met 'n besondere eer op die FIH-ranglys begroet.
Tielman van Lill – Namibië se senior nasionale binnenshuise vrouehokkiespan het geskiedenis gemaak toe die Fédération Internationale de Hockey (FIH) hulle as die tiende beste span op sy wêreldranglys aangewys het.
Dit is die beste posisie wat enige Namibiese nasionale sportspan in die geskiedenis kon behaal.
Hoewel Australië en Namibië beide met 975 wêreldranglyspunte spog, is die Australiërs in die negende plek geplaas. Wat die Aussies die voorsprong besorg, is hul sesde posisie by die 2018 Wêreldbeker in Berlyn, Duitsland, terwyl Namibië negende uit die twaalf lande by dié kampioenskap geëindig het.
Namibë se ongekende sukses by dié wêreldtoernooi is deur die 16-jarige Kiana-Che Cormack aangevuur wat saam met Oekraïne se Yana Vorushylo nege doele geslaan het. Die toplouere het die jeugdige Cormack uiteindelik toegekom toe sy saam met Vorushylo as die topdoelskieter van die kompetisie vereer is.
In Afrika spog die Namibiërs danksy seges oor Suid-Afrika en die res van die kontinent in die nommer een posisie.
Mnr. Erwin Handura, hoofafrigter van Namibië, sê as dit nie vir die Here was nie, sou hulle nie dié prestasie kon behaal nie.
“Ons het alles aan die Here te danke. Ons is 'n baie gelowige groep en bid voor en ná elke oefening. Dieselfde geld vir wedstryde en ons lees ook uit die Bybel vir seën en Sy beskerming. Dit was nie 'n maklike pad om te stap nie. Daar was tye wat dit baie moeilik was, maar met die Here se genade het ons struikelblokke oorkom om sukses te behaaal.
“Sedert 2015 het ons as 'n span saamgesnoer en ná vyf jaar spog ons met drie medaljes, wat twee goud en een silwer insluit. Ons het in 2017 en 2018 goud by die Afrika-spele verower, asook silwer in die 2015 Viernasiesbeker teen Suid-Afrika, die VSA en Australië opgeraap.
“Dit was 'n opdraande stryd, maar alles die moeite werd! Om in die toekoms dieselfde standard te handhaaf, sal opnuut uitdagings van ons verg. As jy bo is, en hy jaal, is mense geneig om gou 'n vinger na jou te wys.
“Suid-Afrika het 'n punt om te bewys en sal ons met alle mag as Afrika se nommer een land wil onttroon. Die krag van binnenshuise hokkie lê in Europa en dit is waar ons moet speel om meer ondervinding op te doen.
“Namibië en Australië is die enigste nie-Europese lande onder die toptien in die wêreld. Ons het reeds Oekraiëne geklop, wat nommer vier ter wêreld is. Dit beteken met harde werk en ondervinding kan ons nog beter vaar,” het Handura trots aan Republikein vertel.
GEEN BETALING
“Dit is presies 'n jaar gelede wat ons sonder enige kompetisies begin oefen het. Afrigters word nie betaal nie en ons gebruik maar ons eie geld om koste te dek. Dieselfde geld vir die spanbestuurder en ander ondersteuningspersoneel.
“Dit is nie maklike tye nie, maar ons bly positief en kyk vorentoe. En die Here sorg vir ons. In Matheus 19 vers 26 sê Hy met Hom is alles moontlik. Dit is my leuse en ook dié van die span.
“Ek kan nie myself prys en sê ek het Namibië tot die tiende beste span in die wêreld gebrei nie. Ek kan ook nie sê ek is die beste afrigter nie, want alles is met God moontlik.
“Met of sonder borge en geld, ons is werklik geseën deur Sy genade en leiding. Ek prys en loof die Here vir die energie en krag wat hy ons gee. Ons sien uit na die Afrika-beker wat moontlik in Februarie of op die laatste in Junie volgende jaar sal plaasvind.
“Ons oefen tans een keer per week en speel een wedstryd. Aanstaande maand sal die program gewysig word, maar ons is reg vir die toekoms om die wêreld saam met die Here te verower,” het Handura afgesluit.
Namibië se senior manspan is tans nommer 16 op die FIH-wêreldranglys.
– [email protected]
Dit is die beste posisie wat enige Namibiese nasionale sportspan in die geskiedenis kon behaal.
Hoewel Australië en Namibië beide met 975 wêreldranglyspunte spog, is die Australiërs in die negende plek geplaas. Wat die Aussies die voorsprong besorg, is hul sesde posisie by die 2018 Wêreldbeker in Berlyn, Duitsland, terwyl Namibië negende uit die twaalf lande by dié kampioenskap geëindig het.
Namibë se ongekende sukses by dié wêreldtoernooi is deur die 16-jarige Kiana-Che Cormack aangevuur wat saam met Oekraïne se Yana Vorushylo nege doele geslaan het. Die toplouere het die jeugdige Cormack uiteindelik toegekom toe sy saam met Vorushylo as die topdoelskieter van die kompetisie vereer is.
In Afrika spog die Namibiërs danksy seges oor Suid-Afrika en die res van die kontinent in die nommer een posisie.
Mnr. Erwin Handura, hoofafrigter van Namibië, sê as dit nie vir die Here was nie, sou hulle nie dié prestasie kon behaal nie.
“Ons het alles aan die Here te danke. Ons is 'n baie gelowige groep en bid voor en ná elke oefening. Dieselfde geld vir wedstryde en ons lees ook uit die Bybel vir seën en Sy beskerming. Dit was nie 'n maklike pad om te stap nie. Daar was tye wat dit baie moeilik was, maar met die Here se genade het ons struikelblokke oorkom om sukses te behaaal.
“Sedert 2015 het ons as 'n span saamgesnoer en ná vyf jaar spog ons met drie medaljes, wat twee goud en een silwer insluit. Ons het in 2017 en 2018 goud by die Afrika-spele verower, asook silwer in die 2015 Viernasiesbeker teen Suid-Afrika, die VSA en Australië opgeraap.
“Dit was 'n opdraande stryd, maar alles die moeite werd! Om in die toekoms dieselfde standard te handhaaf, sal opnuut uitdagings van ons verg. As jy bo is, en hy jaal, is mense geneig om gou 'n vinger na jou te wys.
“Suid-Afrika het 'n punt om te bewys en sal ons met alle mag as Afrika se nommer een land wil onttroon. Die krag van binnenshuise hokkie lê in Europa en dit is waar ons moet speel om meer ondervinding op te doen.
“Namibië en Australië is die enigste nie-Europese lande onder die toptien in die wêreld. Ons het reeds Oekraiëne geklop, wat nommer vier ter wêreld is. Dit beteken met harde werk en ondervinding kan ons nog beter vaar,” het Handura trots aan Republikein vertel.
GEEN BETALING
“Dit is presies 'n jaar gelede wat ons sonder enige kompetisies begin oefen het. Afrigters word nie betaal nie en ons gebruik maar ons eie geld om koste te dek. Dieselfde geld vir die spanbestuurder en ander ondersteuningspersoneel.
“Dit is nie maklike tye nie, maar ons bly positief en kyk vorentoe. En die Here sorg vir ons. In Matheus 19 vers 26 sê Hy met Hom is alles moontlik. Dit is my leuse en ook dié van die span.
“Ek kan nie myself prys en sê ek het Namibië tot die tiende beste span in die wêreld gebrei nie. Ek kan ook nie sê ek is die beste afrigter nie, want alles is met God moontlik.
“Met of sonder borge en geld, ons is werklik geseën deur Sy genade en leiding. Ek prys en loof die Here vir die energie en krag wat hy ons gee. Ons sien uit na die Afrika-beker wat moontlik in Februarie of op die laatste in Junie volgende jaar sal plaasvind.
“Ons oefen tans een keer per week en speel een wedstryd. Aanstaande maand sal die program gewysig word, maar ons is reg vir die toekoms om die wêreld saam met die Here te verower,” het Handura afgesluit.
Namibië se senior manspan is tans nommer 16 op die FIH-wêreldranglys.
– [email protected]
Kommentaar
Republikein
Geen kommentaar is op hierdie artikel gelaat nie