Vrouerugby is beter as mansrugby

Kristien Kruger – Noudat ek jou aandag het, moet jy die volgende lees. Probeer asseblief vasbyt tot die einde; hopelik kan jy iets leer.Wat dink jy van ’n vroulike rugbykommentator? Sal jy jou voertuig aan ’n vroulike werktuigkundige toevertrou? Wat van ’n vrouepresident? Vrouesokker? Tennis?Ek is ’n feminis. Nie die “vroue is beter as mans”-tipe nie, maar ek glo vroue kan die meerderheid werke en take net so goed soos ’n man verrig.Ek is natuurlik nie onrealisties nie. Die meeste mans is – met uitsonderings, natuurlik – sterker en vinniger as vroue.Dis onrealisties om mense in sulke bokse te probeer druk. Dié eensydige mentaliteit dryf my teen die mure uit. Die mensdom is veel meer divers as dit, of nie?Enige taak of vaardigheid wat aangeleer kan word, kan tog deur enige geslag bemeester word. Motorwerktuigkundige? Dis nie een of ander buitengewone kundigheid wat slegs mans al by geboorte kan bemeester nie. Ek weet inteendeel van mans wat nie weet hoe om ’n band om te ruil nie. Waarom is jy dan so skepties? ’n Vrou kan dieselfde as ’n man weet, inteendeel dalk miskien meer. Hierdie onnodige en onsinnige stereotipering verhoed talle vroue om dié beroep te beoefen. Vroue wat dalk ongelooflik goed daarin sou wees.Hou op vaskyk in jou onredelike hardkoppigheid.’n Kultuur wat glo vroue moet kaalvoet agter die stoof staan en kinders grootmaak. Dis 2022 – ons moet ophou bang vir verandering wees. Verandering is deel van die lewe en dis hoogtyd mense maak vrede daarmee.Volgens my moet alle mans ook feministe wees. Of dink jy nie vroue moet gelyk aan mans wees nie? Feminisme beteken nie net vir vroue nie; net soos Black Lives Matter nie net vir mense van kleur bedoel is nie. Dis ’n beweging wat deur almal ondersteun moet word sodat ons ’n beter, regverdige samelewing kan hê.Sommige mans is nie eens bewus daarvan dat hulle vroue “anders” hanteer nie.Ek het al in ’n groep saam met ander mans en vroue gestaan en ’n vreemde man kom nader en stel homself net aan die mans voor. Hy maak nie eens oogkontak met die vroue in die groep nie. Die gesprek gaan voort sonder dat ons raakgesien word. Ek wens mans kan leer om ’n vrou se hand te skud of ten minste in ons rigting te knik. Waarom nie? Wat kan moontlik die rede wees dat jy nie ’n vrou sal groet nie? Intimidasie? Of is dit net jou persepsie van vroue? Ons moet gesien en nie gehoor word nie?Dis nie net mans wat skuldig is nie. Ek kan ongelukkig nie hieroor praat sonder om die grootste, hartseerste probleem uit te wys nie.Ons vroue is baie keer ons eie ondergang. Ons praat beslis in een dag meer kere sleg oor ander vroue as mans in hul leeftyd. Dis natuurlik ’n teken van ’n swak selfbeeld, persoonlike onsekerhede en jaloesie, maar dis ’n storie vir ’n ander dag.Wat mens nie altyd op ingestel is nie, is hoe vroue mekaar in die werkplek hanteer. Daar is suksesvolle vroue wat te bang is om ander vroue in hul beroep op te hef, te help of touwys te maak, omdat hul eenvoudig nie die kollig wil deel nie. Of in baie gevalle geïntimideer voel deur ander sterk en vreeslose vroue.Aan die ander kant is daar ook wonderlike vroue wat hard werk om deure oop te maak en daardie deure agter haar oop te hou vir die volgende vroue om te volg. “Empowered women, empower women.”Ek droom van ’n wêreld waar vroue saamstaan, waar mans ons as gelyke ag, waar my meisiekinders kan rugby speel en ek my voertuig by ’n vroulike werktuigkundige kan diens.

Vrouerugby is beter as mansrugby

Kommentaar

Republikein 2025-09-02

Meld asseblief aan om kommentaar te lewer

Vrouerugby is beter as mansrugby

Kommentaar

Republikein 2025-09-02

Meld asseblief aan om kommentaar te lewer

MELD AAN

Advertensie