Vroueboksers voor geldelike haakplek

Die afrigter van twee ontluikende vroueboksers bly vasberade om alles in sy vermoë te doen om vir hulle ’n toergeleentheid na Uganda moontlik te maak.Vorige gevegte van Mirjam Nghilongwa en Salmi Shipwata is op YouTube raakgesien, wat daartoe gelei het dat hulle op 25 Oktober ’n uitnodiging van die president van die Ugandese Boksfederasie ontvang het om op 26 Desember in Kampala te gaan boks.Dié uitnodiging boksgeleentheid na die Internasionale Vroueboksbonanza is egter daaraan onderhewig dat hulle vir hul eie reiskoste, verblyf en uitgawes in Uganda verantwoordelik sal wees.Hul afrigter Samuel Kwedhi het reeds, met bemiddeling van die Khomas-boksfederasie se voorsitter Benjamin Rebang, vergeefs na die Namibiese Boksfederasie om finansiële steun uitgereik. Hul versoeke het glo op dowe ore geval.Die toerkoste vir die twee boksers en hul afrigter kom op N$80 000 te staan, wat ook die Covid-19-toetse voor en ná hul aankoms in Uganda insluit.Kwedhi se enigste hoop is om aan te hou om iewers ’n weldoener te vind wat die twee vroueboksers van MTC Salute-boksakademie kan help om hul kans op blootstelling buite die landsgrense aan te gryp.Die 19-jarige Mirjam Nghilongwa is as ligvlieggewig (49 kg) die nommer een vrouebokser in Namibië, selfs as sy met twee gewigsklasse sou opskuif, sê Kedhi.Salmi Shipwata (21) veg as ’n middelgewig (70 kg) en het drie weke gelede die Khomas-kampioenskap se goue medalje gewen.“Die meisies oefen deurgaans hard en fokus om op hul beste te wees, of die toer gebeur of nie,” sê Kwedhi. Hy kan by sel. 085 215 5278 bereik word.FOTOSalmi Shipwata (links) en Mirjam Nghilongwa weerskante van die sekretaris-generaal van die Khomas-boksfederasie, me. Ngendinomuwa Andimba. Foto verskaf

Vroueboksers voor geldelike haakplek

Kommentaar

Republikein 2025-12-15

Meld asseblief aan om kommentaar te lewer

Vroueboksers voor geldelike haakplek

Kommentaar

Republikein 2025-12-15

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.