Vroue-Eagles vir toer na Rwanda gekies

Krieket Namibië is opgewonde oor die nasionale vrouespan se komende deelname aan 'n vyfdaagse toernooi in Rwanda se hoofstad Kigali.Die Kwibuka vrouetoernooi sal die span se eerste internasionale deelname sedert die toer na Skotland in 2019 wees, asook hul eerste sedert Francois van der Merwe se aanstelling as afrigter.Vyf Afrika-nasies ding vanaf 6 tot 10 Junie in die Kwibuka-toernooi mee, wat as opbou en voorbereiding dien vir die ICC T20 Wêreldbeker se kontinentale kwalifiserende geleentheid.Die Namibiërs sal teen die gasheerspan Rwanda, Uganda, Botswana en Nigerië meeding. Al die deelnemende spanne is in die toptien gerekende lande wat later vanjaar by die Afrika T20 kwalifiserende geleentheid in Botswana sal bymekaarkom.Krieket Namibië het daarin geslaag om ondanks die periode van Covid-19 se impak al sy programme te laat voortgaan, asook om internasionale krieketopposisie vir die manspan na Windhoek te bring.Krieket Namibië se uitvoerende hoof, mnr. Johan Muller, sê hy is baie bly dat die vroue weer internasionaal kan meeding.“Ons spelers en afrigter het die laaste tien maande hard gewerk om hul vaardighede en spelpeil te verbeter. Ons kan nie wag om te sien hoe hulle vaar nie.“Ons vrouespan is tans 23ste op die wêreldranglys en een mikpunt vir die toernooi in Rwanda is om hoër te klim, as deel van ons visie om teen April 2022 in die toptwaalf te wees. Ons wil hê ons vrouespan moet een van die topdrie in Afrika wees.“Hierdie toernooi is net tussen Afrika-lande en is dus 'n platform om hierdie doelwitte te bereik.”Hoofafrigter Francois van der Merwe is ewe opgewonde dat spel uiteindelik kan hervat en dat die vroue-Eagles met trots op en van die veld kan meeding.“Ons wil opwindende krieket gaan speel en al die aspekte waaraan ons tydens oefeninge so hard gewerk het, foutloos gaan uitvoer.”Van der Merwe het lof uitgespreek vir die skerp kurwe van verbetering oor die afgelope agt maande. In dié tydperk is die oefengroep van 24 spelers gereeld onderling verdeel om in wedstryde mee te ding.Krieket Namibië sê in sy nuusverklaring: “Ons afrigter en spelers is besonder passievol en toegewyd om hul merk op die wêreldtoneel te maak. “Ons wil later vanjaar aan 'n toernooi in Uganda gaan meeding en die kwalifiserende toernooi vir die volgende Statebondspele (Birmingham 2022) word in Januarie gespeel.“Dit is uiters positief om die vordering van 'n stewige getal talentvolle o.19-spelers in ons ontwikkelingsprogram te sien, wat hul vaardighede deurlopend verbeter.”Die aangewese spelersgroep is Irené van Zyl (kaptein), Yasmeen Khan (onderkaptein), Kayleen Green, Didi Foerster, Sylvia Shihepo, Reehana Khan, Arrasta Diergardt, Suné Wittmann, Victoria Hamunyela, Adri van der Merwe, Namusha Shiwomwenyo, Wilka Mwatile, Edelle van Zyl, Mezerly !Garases.Die bestuurspan is Francois van der Merwe (hoofafrigter), Gerhard Lotter (hulpafrigter) en me. Hestelle Haccou (spanbestuurder).Die vroue-Eagles se wedstrydprogram in die Gahanga krieketstadion in Kigali:6 Junie – Namibië tn Nigeria (09:30)7 Junie – Namibië tn Uganda (13:50)9 Junie – Namibië tn Botswana (13h:50)10 Junie – Namibië tn Rwanda (09:30)11 Junie – Semifinale (09:30 en 13:50)12 Junie – Bronsfinaal (09:30)12 Junie – Finaal (13:50)

Vroue-Eagles vir toer na Rwanda gekies

Kommentaar

Republikein 2025-12-19

Meld asseblief aan om kommentaar te lewer

Vroue-Eagles vir toer na Rwanda gekies

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.