Vrou veg om haar lewe ná panga-aanval
'n Vrou is in die Oshakati-staatshospitaal opgeneem nadat haar man haar na bewering met 'n panga probeer doodmaak het.
Tuyeimo Haidula op Ongwediva – Me. Maria Shilongo (45) het by die dood omgedraai nadat haar man, mnr. Ferdinand Festus Nghidipo (51), glo met vyf kaphoue probeer het om haar met 'n panga dood te kap.
Shilongo veg tans om haar lewe in die Oshakati-staatshospitaal. Nghidipo het Shilongo met 'n panga aangerand voordat hy homself gister in die vroeë oggendure in hul slaapkamer – ten aanskoue van hul drie kinders van onderskeidelik sewe, agt en tien jaar oud – opgehang het.
Die insident het in Ongwediva se informele nedersetting Sky plaasgevind.
Die egpaar is in 2000 getroud. Shilongo werk as 'n huishulp terwyl Nghidipo los werkies gedoen het – waaronder die bou van huise – om die pot aan die kook te hou. Sy het die aanval oorleef met 'n wond aan haar gesig, linker- en regterkant van haar kop, regterskouer en haar regterduim.
Die polisiewoordvoerder van die Oshanastreek, insp. Thomas Aiyambo, het gesê die voorval het omstreeks 01:20 in die informele nedersetting Sky Phase 1 plaasgevind. Volgens Aiyambo doen gerugte die ronde dat die egpaar in 'n rusie betrokke was, omdat Nghidipo sy vrou daarvan verdink en beskuldig het dat sy ontrou is.
Hy het gesê voor die insident het die kinders hul ouers in hul kamer hoor stry. Dít, het Aiyambo gesê, was voor die man sy vrou met 'n panga aangeval het. “Nadat die man sy vrou gekap het, het hy sy eie lewe geneem deur homself in hul slaapkamer met 'n tou op te hang,” het Aiyambo gesê.
Hy het nie 'n selfdoodbrief agtergelaat nie en 'n dossier vir 'n geregtelike doodsondersoek is geopen.
Nghidipo se ouer suster, me. Christofina Festus Nghidipo, het gister aan ons susterkoerant Namibian Sun by die oorledene se huis gesê sy het omstreeks 14:00 daar aangekom nadat een van die ouer kinders wat in woonstelle agter die hoofhuis bly, glo in skok by haar huis opgedaag het.
Sy het gesê die kinders het haar vertel wat gebeur het en haar gevra om die polisie te bel. Sy het na die huis gehaas, maar moes eers vir die polisie wag voordat sy kon ingaan.
“Toe die polisie opgedaag het en ons almal by die huis ingegaan het, het Maria in 'n plas bloed gelê. Die vloer was vol bloed en dit het gelyk of sy van die hoofslaapkamer na die kinderkamer gekruip het om hulp te soek. Sy kon nie praat nie,” het Christofina gesê.
Sy kon nie die gerugte van ontrouheid in die polisieverslag bevestig nie en het gesê die familie was nie bewus van enige probleme tussen hulle nie.
“As hulle enige probleme gehad het, het hulle dit goed weggesteek. Saterdag het hulle by haar skoonpa gaan kuier sodat hulle hom kon vertel van hul kombuispartytjie (iitala pepata) wat vir Desember beplan is,” het sy gesê.
Teen gistermiddag het dit baie beter met Shilongo gegaan en sy kon op boodskappe reageer deur diegene wat haar in die hospitaal besoek het voor 'n operasie om haar wonde toe te heg. Christofina sê die dokters het die familie ingelig sy het 'n kans op oorlewing aangesien die snye – hoewel baie diep – nie haar brein bereik het nie.
– [email protected]
FOTO
Wyle mnr. Ferdinand Festus Nghidipo (51) het sy vrou glo wreed met ‘n panga aangeval en daarna selfdood gepleeg deur homself op te hang. Foto Verskaf
Shilongo veg tans om haar lewe in die Oshakati-staatshospitaal. Nghidipo het Shilongo met 'n panga aangerand voordat hy homself gister in die vroeë oggendure in hul slaapkamer – ten aanskoue van hul drie kinders van onderskeidelik sewe, agt en tien jaar oud – opgehang het.
Die insident het in Ongwediva se informele nedersetting Sky plaasgevind.
Die egpaar is in 2000 getroud. Shilongo werk as 'n huishulp terwyl Nghidipo los werkies gedoen het – waaronder die bou van huise – om die pot aan die kook te hou. Sy het die aanval oorleef met 'n wond aan haar gesig, linker- en regterkant van haar kop, regterskouer en haar regterduim.
Die polisiewoordvoerder van die Oshanastreek, insp. Thomas Aiyambo, het gesê die voorval het omstreeks 01:20 in die informele nedersetting Sky Phase 1 plaasgevind. Volgens Aiyambo doen gerugte die ronde dat die egpaar in 'n rusie betrokke was, omdat Nghidipo sy vrou daarvan verdink en beskuldig het dat sy ontrou is.
Hy het gesê voor die insident het die kinders hul ouers in hul kamer hoor stry. Dít, het Aiyambo gesê, was voor die man sy vrou met 'n panga aangeval het. “Nadat die man sy vrou gekap het, het hy sy eie lewe geneem deur homself in hul slaapkamer met 'n tou op te hang,” het Aiyambo gesê.
Hy het nie 'n selfdoodbrief agtergelaat nie en 'n dossier vir 'n geregtelike doodsondersoek is geopen.
Nghidipo se ouer suster, me. Christofina Festus Nghidipo, het gister aan ons susterkoerant Namibian Sun by die oorledene se huis gesê sy het omstreeks 14:00 daar aangekom nadat een van die ouer kinders wat in woonstelle agter die hoofhuis bly, glo in skok by haar huis opgedaag het.
Sy het gesê die kinders het haar vertel wat gebeur het en haar gevra om die polisie te bel. Sy het na die huis gehaas, maar moes eers vir die polisie wag voordat sy kon ingaan.
“Toe die polisie opgedaag het en ons almal by die huis ingegaan het, het Maria in 'n plas bloed gelê. Die vloer was vol bloed en dit het gelyk of sy van die hoofslaapkamer na die kinderkamer gekruip het om hulp te soek. Sy kon nie praat nie,” het Christofina gesê.
Sy kon nie die gerugte van ontrouheid in die polisieverslag bevestig nie en het gesê die familie was nie bewus van enige probleme tussen hulle nie.
“As hulle enige probleme gehad het, het hulle dit goed weggesteek. Saterdag het hulle by haar skoonpa gaan kuier sodat hulle hom kon vertel van hul kombuispartytjie (iitala pepata) wat vir Desember beplan is,” het sy gesê.
Teen gistermiddag het dit baie beter met Shilongo gegaan en sy kon op boodskappe reageer deur diegene wat haar in die hospitaal besoek het voor 'n operasie om haar wonde toe te heg. Christofina sê die dokters het die familie ingelig sy het 'n kans op oorlewing aangesien die snye – hoewel baie diep – nie haar brein bereik het nie.
– [email protected]
FOTO
Wyle mnr. Ferdinand Festus Nghidipo (51) het sy vrou glo wreed met ‘n panga aangeval en daarna selfdood gepleeg deur homself op te hang. Foto Verskaf
Kommentaar
Republikein
Geen kommentaar is op hierdie artikel gelaat nie