Vrou vas na spiritus-aanval

'n Vrou van Windhoek het in die landdroshof in die hoofstad op 'n aanklag van moord verskyn, nadat sy 'n familielid wat sy van 'n verhouding met haar man beskuldig het, met brandspiritus gegooi en haar aan die brand gesteek het.

Volgens hoofinspekteur Pendukeni Haikali van die Namibiese polisie het die voorval Saterdag omstreeks 15:00 in Freedom Land in Wanaheda in Windhoek plaasgevind. Die 34-jarige Ndilipo Ndinelao Shikomba het haar 24-jarige niggie daarvan beskuldig dat sy 'n verhouding met haar man het. Tydens 'n konfrontasie tussen die twee vroue het Shikomba na bewering uit woede spiritus op haar niggie uitgegooi en haar aan die brand gesteek. Volgens Haikali het die vrou ernstige brandwonde op haar gesig, bene en bolyf opgedoen. Sy is in 'n kritieke maar stabiele toestand in die Katutura-staatshospitaal opgeneem.