Vrou van Walvisbaai sterf aan Covid-19
Die minister van gesondheid en maatskaplike dienste (MoHSS) dr. Kalumbi Shangula sê 'n 44-jarige vrou van Walvisbaai is gister aan Covid-19 op die hawedorp dood. Sy het volgens die minister ander chroniese mediese toestande gehad. Dit bring die aantal sterftes vir die land op nege te staan. Volgens Shangula is die vrou op 21 Julie in die staatshospitaal in die dorp met Covid-19-verwante simptome opgeneem waar sy getoets is en haar toestand geleidelik tot met haar dood versleg het.
Shangula het 69 nuwe Covid-19-gevalle aangekondig wat die totaal vir die land op 1 986 te staan bring. Uit die 69 nuwe gevalle is 57 in Walvisbaai, een in Swakopmund, een in Usakos, agt in Windhoek, een in Mariental en een in Engela. Die ouderdomme wissel van ses tot 77 jaar en sluit 38 mans en 31 vroue in.
Die geval in Usakos is 'n 57-jarige vrou en 'n kontak van 'n bevestigde geval. Die geval in Mariental is 'n 34-jarige vrou wat by 'n plaaslike vulstasie werk, geen kontak met 'n bevestigde geval of reisgeskiedenis of simptome het nie. Die geval in Engela is 'n 30-jarige vrou wat van Walvisbaai hierheen gereis het om 'n troue by te woon. Lede van die gemeenskap het egter aangedring dat sy in kwarantyn geplaas word waar sy positief getoets het.
Die gevalle in Windhoek is soos volg:
- 'n 57-jarige man en kontak van 'n bevestigde geval.
- 'n 24-jarige vrou en werker van Telecom. Sy het geen kontak met 'n bevestigde geval gehad nie, maar 'n persoon van dieselfde huishouding wat wel kontak met 'n geval gehad het, het positief getoets.
- 'n 33-jarige man van die militêre basis in Suiderhof met geen kontak met 'n bevestigde geval nie.
- 'n 27-jarige vrou met geen kontak met 'n bevestigde geval nie.
- 'n 52-jarige vrou met geen kontak met 'n bevestigde geval nie.
- 'n 34-jarige man en werker by 'n plaaslike mark met geen kontak met 'n bevestigde geval nie.
- 'n 55-jarige man met geen kontak met 'n bevestigde geval nie.
- 'n 47-jarige man en kontak tot 'n bevestigde geval.
Volgens Shangula is dit "uiters ontstellend" hoeveel van die gevalle wat tans aangemeld word, geen kontak met 'n bevestigde geval gehad het nie.
Tot op hede het 104 mense herstel, het die land 1 873 aktiewe gevalle, is 24 852 weefselmonsters getoets en is 1 459 mense tans in kwarantyn.
Shangula het 69 nuwe Covid-19-gevalle aangekondig wat die totaal vir die land op 1 986 te staan bring. Uit die 69 nuwe gevalle is 57 in Walvisbaai, een in Swakopmund, een in Usakos, agt in Windhoek, een in Mariental en een in Engela. Die ouderdomme wissel van ses tot 77 jaar en sluit 38 mans en 31 vroue in.
Die geval in Usakos is 'n 57-jarige vrou en 'n kontak van 'n bevestigde geval. Die geval in Mariental is 'n 34-jarige vrou wat by 'n plaaslike vulstasie werk, geen kontak met 'n bevestigde geval of reisgeskiedenis of simptome het nie. Die geval in Engela is 'n 30-jarige vrou wat van Walvisbaai hierheen gereis het om 'n troue by te woon. Lede van die gemeenskap het egter aangedring dat sy in kwarantyn geplaas word waar sy positief getoets het.
Die gevalle in Windhoek is soos volg:
- 'n 57-jarige man en kontak van 'n bevestigde geval.
- 'n 24-jarige vrou en werker van Telecom. Sy het geen kontak met 'n bevestigde geval gehad nie, maar 'n persoon van dieselfde huishouding wat wel kontak met 'n geval gehad het, het positief getoets.
- 'n 33-jarige man van die militêre basis in Suiderhof met geen kontak met 'n bevestigde geval nie.
- 'n 27-jarige vrou met geen kontak met 'n bevestigde geval nie.
- 'n 52-jarige vrou met geen kontak met 'n bevestigde geval nie.
- 'n 34-jarige man en werker by 'n plaaslike mark met geen kontak met 'n bevestigde geval nie.
- 'n 55-jarige man met geen kontak met 'n bevestigde geval nie.
- 'n 47-jarige man en kontak tot 'n bevestigde geval.
Volgens Shangula is dit "uiters ontstellend" hoeveel van die gevalle wat tans aangemeld word, geen kontak met 'n bevestigde geval gehad het nie.
Tot op hede het 104 mense herstel, het die land 1 873 aktiewe gevalle, is 24 852 weefselmonsters getoets en is 1 459 mense tans in kwarantyn.
Kommentaar
Republikein
Geen kommentaar is op hierdie artikel gelaat nie