Vrou van Erongo tem China se Groot Muur

07 June 2016 | Sport
Des Erasmus

’n Vrou van Uis het die Groot Muur van China baasgeraak. Riana Scholtz het na Namibië teruggekeer nadat sy die marathon oor ’n afstand van 42 kilometer in 6 uur 28 minute voltooi het.
Die roete van die byeenkoms van internasionale aansien strek gedeeltelik op die Groot Muur, met die ander deel van die drafskof wat oor steiltes en hange strek.
Deelnemers moet op die roete lang skofte op en af op die trappies van die muur hardloop. Die optes en aftes was maar deel van die groot toets wat Riana geslaag het. Die wedren is ook in baie warm en bedompige toestande afgehandel.
Riana sê sy weet sy was een van twee Namibiërs wat aan die marathon deelgeneem het.
Sy het haar oë deurlopend oopgehou of sy nie die ander Namibiër kon gewaar of opspoor nie, maar onder die sowat 2 500 deelnemers was dit ’n haas onbegonne taak.
Oor haar voorbereiding vir die uitdaging van die Groot Muur het sy gesê sy het onder meer op dieselfde roete geoefen wat komende Saterdag vir die jaarlikse Brandberg Rhino Run gebruik gaan word. Deel van haar voorbereiding was ook op die Kupferbergpad in ’n westelike rigting van Windhoek.
Die Chinese marathonbyeenkoms strek oor die standaard afstand van 42 km, maar sluit ook ’n halfmarathon en ’n pretloop oor 8 km in.
Die kort afstand is nie net vir die pret nie. Meer as 3 km strek oor die hoë trappies van die muur.
Riana se marathontyd van 6 uur 28 minute was ruim binne die afsnytyd van 8 uur.

Soortgelyk

 

Trump laat Amerika bloos oor 'Nambia"

5 ure gelede | Internasionaal

Pres. Donald Trump van Amerika het gister tydens ‘n vergadering met Afrikaleiers in New York na Namibië as “Nambia” verwys.Tydens die ontmoeting het Trump gesê:...

Ysterertsmyn dalk op Windhoek se voorstoep

15 ure gelede | Plaaslik

Ronelle Rademeyer - Gemeenskapsvergaderings word vandag by Neudamm en in Windhoek gehou vir insette oor die impak wat die beplande ysterertsmyn 50 km oos van...

wenfoto by Hakos gekiek

15 ure gelede | Omgewing

Die wenner van die Insight Sterrekunde Fotograaf van die Jaar-kompetisie het sy foto in Namibië geneem. Die Rus Artem Mironov is vanjaar se algehele wenner­...

Nuwe stelsel veroorsaak chaos by lughawe

15 ure gelede | Plaaslik

Catherine Sasman Die ministerie van binnelandse sake en immigrasie sê dit het 'n korttermyn­oplossing gevind om die chaotiese­ vertragings by die Internasio­nale Lughawe Hosea Kutako...

Weer vir 21 September

15 ure gelede | Weer

BINNELAND: Gedeeltelik bewolk en baie tot bloedig warm. Winderige toestande word in die Noorde en oor die sentrale hoëgrond verwag. KUS: Gedeeltelik bewolk en matig...

'Noord-Amerikaners wil Namibië besoek'

15 ure gelede | Toerisme

Namibië is 'n toeristebestemming wat Noord-Amerikaners graag wil besoek.Só sê die besturende direkteur van Namibia Wildlife Resorts (NWR), me. Zelna Hengari, wat saam met die...

Tienermeisie steek baba glo in tas weg

15 ure gelede | Misdaad

Twee vroue, van wie een 'n skoolmeisie is, is Dinsdag in verband met die verberging van 'n geboorte in hegtenis geneem.OMUTELEVolgens die Namibiese polisie se...

Goeie nuus vir sekuriteitswagte

15 ure gelede | Arbeid

Augetto Graig - Die ministerie van arbeid, nywerheidsbetrekkinge en werkskepping het aangekondig sekuriteitswagte in Namibië moet van verlede Vrydag (15 September) af ten minste N$8,75...

Plaaslike Rooikruis vier 15 jaar

15 ure gelede | Gebeure

Yochanaan Coetzee - Die Namibiese Rooikruisvereniging en hul vennote, die Spaanse Rooikruisvereniging, het gister dié liefdadigheidsorganisasie se vyftiende bestaansjaar in Namibië met ’n geleentheid by...