Vrou steek glo kêrel met mes dood

’n 28-jarige man is Saterdag omstreeks 16:30 oorlede in ’n bakleiery waartydens sy meisie hom glo met ’n mes gesteek het.Die voorval het volgens ’n polisieverslag in Pondo Nangombestraat in die hoofstad se informele nedersetting Okuryangava plaasgevind.Die 35-jarige verdagte is in hegtenis geneem, maar is volgens die verslag tans by die Windhoek sentrale hospitaal vir behandeling vir die kopbeserings wat sy tydens die bakleiery opgedoen het.MAN DOOD NÁ HOU MET WYNBOTTEL’n Man is Saterdag omstreeks 12:00 in die omgewing van Farm Kuhanga naby Kombat dood nadat hy met ’n wynbottel oor die kop geslaan is.Die oorledene en die verdagte was glo saam in ’n motor toe ’n bakleiery uitgebreek het. Volgens die verslag het hulle die motor laat stilhou en die bakleiery is voortgesit.Die 32-jarige verdagte het toe glo die bottel uit die kar gehaal en die oorledene daarmee geslaan. Die verdagte is in hegtenis geneem.‘DRONKDRYWER’ STAMP VOETGANGER’n Ongelisensieerde drywer wat glo onder die invloed van alkohol was, het Vrydag in die Tutaleni voorstad van Walvisbaai ’n man omstreeks 19:50 doodgery.BABA ONVERKLAARBAAR OORLEDE’n Vier maande oue baba se liggaampie is Saterdag omstreeks 01:00 in die slaapkamer van hul huis in die Onakatumbe informele nedersetting in Eenhana gevind.Volgens die verslag is die liggaam na die staatslykhuis op Eenhana geneem vir ’n nadoodse ondersoek om vas te stel wat die oorsaak van die dood was.• Die lyk van ’n 72-jarige pensioenaris is Saterdag omstreeks 18:00 op die Rupara rivieroewer naby die Rupara informele nedersetting gevind. Volgens die verslag vermoed die polisie dat die man verdrink het terwyl hy in die rivier gebad het. Die polisie wag egter nog vir die nadoodse ondersoek om die oorsaak van sy dood bo twyfel vas te stel.

Vrou steek glo kêrel met mes dood

Kommentaar

Republikein 2026-06-26

Meld asseblief aan om kommentaar te lewer

Vrou steek glo kêrel met mes dood

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.