Vrou op plaas aangeval

Nege gewapende mans het me. Nelao Kampho (38) en twee van haar plaaswerkers op haar plaas aangeval en beroof, het die koördineerder van misdaadondersoeke in die Erongostreek, adj.komm. Erastus Iikuyu, bevestig.Nelao is die dogter van die voormalige burgemeester van Swakopmund, mnr. Daniel Kamho.Die verdagtes, gewapen met pangas en vuurwapens, het die drie mense Woensdag omstreeks 22:00 op die plaas Otjumue Nord nr. 108 tussen Omatjete en Omaruru aangeval, vasgebind en beroof. Volgens Iikuyu het twee werkers van die plaas glo buite hul huise gesit toe die mans skielik op hulle toegesak het. “Die verdagtes het die mans met pangas en vuurwapens gedreig en beveel om hulle na die huis van die plaaseienaar te neem,” het Iikuyu gesê. Die verdagtes het die plaaseienaar en die twee werkers vasgebind en die huis deursoek. Hulle het onder meer N$6 500 in kontant, twee skootrekenaars, selfoon, vleis en skoene gesteel. “Nadat die verdagtes die slagoffers se selfone vernietig het, het hulle in 'n geel bakkie van die plaas op vlug geslaan.” Die slagoffers het daarin geslaag om hulself te bevry en het na die bure gegaan, wat die polisie in kennis gestel het. “Ons het die bakkie sowat 12 kilometer voor Omaruru met 'n pap agterband verlate langs die pad gekry. Die gesamentlike geskatte waarde van die gesteelde items insluitend die bakkie wat ons teruggekry het, word op N$93 600 geskat,” het hy gesê. Die polisie doen 'n beroep op mense wat inligting oor die voorval of die verdagtes het om met adj.komm. Iikuyu onder 081 246 4757 of met hoofinspekteur Johan Mwatongwe by 081 246 1121 in verbinding te tree.

Vrou op plaas aangeval

Kommentaar

Republikein 2025-12-18

Meld asseblief aan om kommentaar te lewer

Vrou op plaas aangeval

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.