Vrou glo verkrag, huis afgebrand
Een verdagte is al in hegtenis geneem en sou Maandag in die hof verskyn.
Twee vroue en 'n 12-jarige meisie is die naweek glo verkrag.
'n Man het Vrydag na wat verneem word 'n vrou op Oshakati verkrag en haar sinkhuis daarná afgbrand.
Volgens die Namibiese polisie se misdaadverslag het die voorval omstreeks 03:30 in die Oshikango-nedersetting in westelike Oshakati plaasgevind.
“Die verdagte is van die Omahenene-nedersetting, ook in die westelike deel van die dorp, en het die vrou na bewering verkrag en haar sinkhuis tot as verbrand,” lui die verslag.
Hy het op die vlug geslaan en is nog nie in hegtenis geneem nie.
'n Twaalfjarige meisie is Saterdag omstreeks 18:00 in die Engoyi-nedersetting naby Onyaanya glo deur 'n 19-jarige verkrag.
“Die verdagte is 'n huishulp in die slagoffer se huis. Hy is in hegtenis geneem,” lui die verslag.
Hy sou Maandag in die hof verskyn en die polisieondersoek duur voort.
Op Mariental is 34-jarige vrou Saterdag omstreeks 22:50 na bewering deur twee mans langs ’n begraafplaas verkrag.
“Sy het glo tombo by 'n huis gedrink en later, op pad na haar huis, het twee mans haar agtervolg. Langs die begraafplaas in Aimablaagte het die twee haar glo oorrompel, haar klere uitgetrek en haar verkrag,” lui die misdaadverslag.
Die twee verdagtes is nog nie in hegtenis geneem nie en die polisieondersoek duur voort.
'n Man het Vrydag na wat verneem word 'n vrou op Oshakati verkrag en haar sinkhuis daarná afgbrand.
Volgens die Namibiese polisie se misdaadverslag het die voorval omstreeks 03:30 in die Oshikango-nedersetting in westelike Oshakati plaasgevind.
“Die verdagte is van die Omahenene-nedersetting, ook in die westelike deel van die dorp, en het die vrou na bewering verkrag en haar sinkhuis tot as verbrand,” lui die verslag.
Hy het op die vlug geslaan en is nog nie in hegtenis geneem nie.
'n Twaalfjarige meisie is Saterdag omstreeks 18:00 in die Engoyi-nedersetting naby Onyaanya glo deur 'n 19-jarige verkrag.
“Die verdagte is 'n huishulp in die slagoffer se huis. Hy is in hegtenis geneem,” lui die verslag.
Hy sou Maandag in die hof verskyn en die polisieondersoek duur voort.
Op Mariental is 34-jarige vrou Saterdag omstreeks 22:50 na bewering deur twee mans langs ’n begraafplaas verkrag.
“Sy het glo tombo by 'n huis gedrink en later, op pad na haar huis, het twee mans haar agtervolg. Langs die begraafplaas in Aimablaagte het die twee haar glo oorrompel, haar klere uitgetrek en haar verkrag,” lui die misdaadverslag.
Die twee verdagtes is nog nie in hegtenis geneem nie en die polisieondersoek duur voort.
Kommentaar
Republikein
Geen kommentaar is op hierdie artikel gelaat nie